Əziz tədqiqatçılar!

Azərbaycan Dövlət İqtisad Universiteti (UNEC) Beynəlxalq Magistratura və Doktorantura Mərkəzi dünyanın müxtəlif ölkələrinin iqtisadiyyat və idarəetmə sahəsində çalışan tədqiqatçılarını bir araya gətirmək üçün hər il “İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı”nı (ISCEMR) təşkil edir. Bu Konfransın keçirilməsində əsas məqsəd elmlərarası tədqiqatların inkişafının dəstəklənməsi, elmin müasir inkişaf meyilləri üzrə fikir mübadiləsinin aparılmsı, təcrübə paylaşımı, tədqiqatların əlçatanlığının və keyfiyyətinin yüksəldilməsi, eləcə də elmi əməkdaşlıq əlaqələrinin qurulması və qurmağa başladığımız  beynəlxalq elmi platformanın inkişafı ilə bağlıdır.

Hər il ən aktual mövzulara həsr olunaraq keçirilən bu ilki konfrans “Dayanıqlı İnkişafın Yeni Dövrü: Yaşıl Transformasiya və İqlim Maliyyələşdirilməsi” mövzusuna həsr olunmuşdur.  Ölkəmizdə 2024 – cü ilin “yaşıl dünya naminə həmrəylik ili” qeyd olunması və COP 29 kimi bu sahədə ən mötəbər beynəlxalq tədbirin cari ildə Bakıda keçirilməsi bu istiqamətə xüsusi diqqətin olduğunun göstəricisidir. Konfrans çərçivəsində dünyanın müxtəlif ölkələrindən qeyd olunan sahələrdə tədqiqatlar aparan tədqiqatçıları bir araya gətirməklə bu sahəyə elmi tövhələr veriləcəkdir.
Sizlərin hər birinizi Azərbaycan Dövlət İqtisad Universitetinin (UNEC) Beynəlxalq Magistratura və Doktorantura Mərkəzi, Heydər Əliyev Mərkəzi və Regional İnkişaf İctimai Birliyinin (RİİB) birgə təşkilatçılığı ilə 23-26 may 2024-cü il tarixlərində, Bakı şəhərində, Heydər Əliyev Mərkəzində  keçiriləcək bu konfransa tədqiqat işlərinizi göndərməyə dəvət edirik. Konfransın Elm Komitəsi tərəfindən qəbul olunan məqalələrin müxtəlif beynəlxalq jurnallarda nəşri ilə yanaşı və beynəlxalq akademik platformalarda indekslənməsi nəzərdə tutulur.
Eyni zamanda konfrans çərçivəsində dünyanın müxtəlif ölkələrindən dəvət edilən tədqiqatçıların və peşəkar mütəxəssislərin iştikrakı ilə müxtəlif aktual mövzularda workshoplar və panel müzakirələr təşkil olunacaqdır.

Ətraflı: www.iscemr.com.

Dear researchers,
We are delighted to announce that the VI International Scientific Conference of Economics and Management Researchers (ISCEMR-2024), organized by h, Heydar Aliyev Center, International Center for Graduate Education, and "Regional Development" Public Union, with the general sponsorship of Pasha Holding Group, will take place from May 23 to 26, 2024. This year's conference, held under the theme "Unity for a Green World," is dedicated to the topic of "New Era of Sustainable Development: Green Transformation and Climate Finance."
Within this framework, the conference will feature paper sessions and online workshops, along with panel discussions at the Heydar Aliyev Center.
Research papers positively evaluated by the conference's scientific committee will be indexed in nearly 30 global scientific databases (Web of Science, Scopus and others).
The deadline for submitting research papers to the conference is April 15, 2024.
We look forward to seeing each of you at the conference, filled with scientific richness, and wish you success. Detailed information can be obtained from the conference's website at www.iscemr.com.