Müəllimlərin işə qəbulu üzrə müsabiqədə iştirak etmək istəyən şəxslərin nəzərinə!

Bu il ilk dəfə olaraq müəllimlərin işə qəbulu üzrə müsabiqənin qeydiyyat prosesi “Digital Login” vasitəsilə həyata keçirilir. Müsabiqədə iştirak etmək istəyən şəxslər “Digital Login” əldə etdikdən sonra www.miq.edu.az saytına daxil olaraq qeydiyyatdan keçə biləcəklər.

Nəzərinizə çatdırırıq ki, Məktəbəqədər və Ümumi Təhsil üzrə Dövlət Agentliyi və Agentliyin yerli bölmələrində müəllimlərin işə qəbulu üzrə müsabiqənin elektron sənəd qəbulu prosesi barədə vətəndaşlara kömək məqsədilə əməkdaşlar fəaliyyət göstərir. Vətəndaşlar qeyd olunan ünvanlara yaxınlaşaraq müəllimlərin işə qəbulu üzrə müsabiqənin elektron sənəd qəbulu prosesi istiqamətində müraciət edə bilərlər.

Müsabiqə iştirakçılarına uğurlar arzulayırıq!