AVRORA MMC “Laboratoriya Bölmə Rəhbəri” vəzifəsi üzrə vakansiya elan edir!

Əsas vəzifə öhdəlikləri :

·     Laboratoriyaya ümumi rəhbərlik, yeni iş təlimatlarının hazırlanması, analiz və sınaqların aparılmasının keyfiyyətinə nəzarət, xüsusi analizlərin aparılması, hesabatların hazırlanması, kalibrasiya işlərinin təşkili və həyata keçirilməsi;
·     Xammalın, yarımfabrikatların və hazır məmulatların keyfiyyətinə, onların standartlara və keyfiyyət sertifikatlarına uyğunluğuna nəzarət edilməsi;
·     Sınaq avadanlıqlarının və ölçmə vasitələrinin vəziyyətinə, vaxtında yoxlanmasına və attestasiyadan keçirilməsinə, həmçinin xidmət və təmirinə nəzarət edilməsi;
·     Xammalların, köməkçi materiallarının və istehsal olunan məhsulların sınağının normativ sənədlərdə göstərilən üsul və qaydalara uyğun şəkildə yerinə yetirilməsi;
·     Laboratoriyada olan sınaq avadanlıqlarından , cihazlarından və ölçmə vasitələrindən təlimata uyğun istifadənin təmin edilməsi;
·     Laboratoriya qeydiyyat jurnallarının doldurulmasının və onların saxlanmasının müəyyən olunmuş qaydada yerinə yetirməsinə nəzarət edilməsi;
·     Məhsulun keyfiyyətinə gələn şikayətlərin və zay məhsul istehsalının səbəblərinin araşdırılmasında iştirak edilməsi;
·     Yeni sınaq avadanlıqlarının və ölçmə vasitələrinin istifadə olunmasının mənimsənib tətbiq edilməsi;
·     Sınaq nəticələrinin və sınaq protokollarının hazırlanması;
·     İxrac olunan məhsulların keyfiyyət şəhadətnamələrinin hazırlanmasına nəzarət edilməsi.

Tələb olunan bilik və bacarıqlar :

·     Un, Makaron, Qənnadı və İçki sahələri üzrə laboratoriya analizlərini bilməli;
·     Unun texniki göstəriciləri haqqında yüksək biliklərinin olması;
·     İstehsal prosesini bilməli;
·     İşdə dəqiqlik və detallara diqqət etmə qabiliyyəti;
·     MS Office proqramlarından sərbəst istifadə bacarığı.

Tələb olunan təhsil, iş təcrübəsi və dil bilikləri :

·     Təhsil: Ali (Kimya, Qida məhsulları mühəndisliyi üzrə);
·     İş təcrübəsi: Min. 3 il (Un, Makaron, İçki və Qənnadı məhsulları istehsalı sahəsi üzrə).

İş şərtlərimiz :

·     İş qrafiki : Tam iş günü (5 gün);
·     İş saatı: 08:00-17:00;
·     İş yeri : Avrora Sənaye Parkı (Hökməli qəsəbəsi).

Biz nə təklif edirik :

·     Əmək bazarında rəqabətli əməkhaqqı;
·     Peşəkar komanda mühiti;
·     Korporativ nömrə;
·     Təlim və inkişaf imkanları;
·     Sağlamlıq sığortası;
·     Nahar;
·     Servis şirkət tərəfindən təmin olunur.

Göstərilən tələblərə cavab verən namizədlərdən CV-lərini mövzu hissəsinə “Laboratoriya Bölmə Rəhbəri” yazaraq [email protected] ünvanına göndərmələri xahiş olunur. Yalnız tələblərə cavab verən namizədlərlə əlaqə saxlanılacaqdır.