“Bank Respublika” ASC Maliyyə institutları ilə hesablaşmalar şöbəsinin mütəxəssisi-aparıcı-baş mütəxəssisi vəzifəsi üzrə vakansiya elan edir.

Ümumi vəzifə öhdəlikləri:

• Maliyyə institutları ilə bağlanan müqavilə, əqdlər və aparılan əməliyyatların bank əməliyyat sisteminə işlənməsi, müvafiq uçot hesablarının açılması, uçotun doğruluğuna nəzarət, əməliyyatlar bitdikdə müvafiq prosedurların icra edilməsi;
• Maliyyə institutları ilə bağlanan müqavilə, əqdləri və aparılan əməliyyatları müşayiət edən ödəniş və hesablaşmaların icra edilməsi;
• Maliyyə institutları ilə bağlanan müqavilə, əqdlər və əməliyyatların reyestrinin aparılması, dəyişikliklərin təqib edilməsi;
• Maliyyə institutları ilə bağlanan müqavilə, əqdlər və əməliyyatlar üzrə bankın öhdəliklərinin vaxtında və tam məbləğdə icra olunmasını təmin etmək və bu prosesə birbaşa nəzarətin həyata keçirilməsi;
• Fondlar tərəfindən maliyyələşdirilən kreditlər üzrə öhdəliklərin yaradılması və bu kreditlər üzrə ödənişlərin icrası;
• Fondlar tərəfindən maliyyələşdirilən kreditlər üzrə portfelin aparılması, nəzarəti və müvafiq sənədləşmənin icrası;
• Fondlar tərəfindən maliyyələşdirilən kreditlər üzrə rüblük və illik hesabatların hazırlanması və audit tərəfindən tələb olunan müvafiq sənədlərin təqdim olunması.

Namizədə qarşı tələblər:

• Ali təhsil;
• Azərbaycan dili və İngilis dili əla, Rus dili yaxşı səviyyədə arzuolunandır;
• Excel proqramı üzrə əsas bacarıqlar (formulalar, məntiqlər, shortcuts və s.);
• Analitik qabiliyyətlər;
• Bank və hesablaşma-ödəmə sistemlərində işləmək bacarığı üstünlükdür;
• Müxtəlif düşüncə və dünyagörüşə malik insanlarla yazılı və şifahi ünsiyyət qurmaq bacarığı;
• Fikrini dəqiq, dolğun və özünə əminliklə təqdim etmə bacarığı;

Göstərilən tələblərə cavab verən namizədlər öz CV-lərini 19 iyul 2023-cü il tarixinədək, email-in mövzu hissəsində Maliyyə institutları ilə hesablaşmalar şöbəsinin mütəxəssisi-aparıcı-baş mütəxəssisi qeyd edərək HR@bankrespublika.az elektron ünvanına göndərə bilər. Əks təqdirdə müraciətlərə baxılmaya bilər. 

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.