Agentlik Proqramlaşdırma şöbəsinə vakansiya elan edir

İcbari Tibbi Sığorta üzrə Dövlət Agentliyi Proqramlaşdırma şöbəsinin məsləhətçisi/baş məsləhətçisi vakansiyası elan edir.

Haqqımızda:
İcbari Tibbi Sığorta üzrə Dövlət Agentliyi (bundan sonra – Agentlik), icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri idarə edən, səhiyyə xidmətlərinin alıcısı rolunu oynayan və bununla bağlı zəruri xərclərin ödənilməsini təmin edən publik hüquqi şəxsdir. Agentlik, Azərbaycan Respublikası Prezidentinin 2016-cı il 24 noyabr tarixli, 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;
• Yüksək komanda ruhu və zəngin təcrübə qazanmaq fürsəti;
• Karyera inkişafı üçün yaradılan şərait;
• Rəqabətədavamlı əmək haqqı;
• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil;
• Təcrübə: Proqramlaşdırma sahəsində ən azı 2-4 il iş təcrübəsi (vəzifədən asılı olaraq);
• Texniki biliklər:
• Kompüter Elmlərinin Əsasları (Alqoritm and Data Strukturlar) haqqında biliklər;
• C# OOP, Asp.Net MVC, .Net Framework, .Net Core texnologiyaları üzrə əsaslı bilik və təcrübə;
• Sinxron və asinxron mesajlaşma texnologiyaları üzrə biliklər;
• TSql, PL/Sql dilləri üzrə əsaslı bilik və təcrübə;
• Html5, Css3, Javascript, Ajax, Angular istifadəsi və biliyi;
• REST və SOAP servislər üzrə biliklər;
• Microservis arxitekturası üzrə biliklər;
• Səmərəli, təmiz və genişlənə bilən kod yazmaq bacarığı;
• GİT-lə işləmə təcrübəsi;
• Səmərəli, səliqəli, sürətli, təhlükəsiz, anlaşılan və genişlənə bilən kod yazmaq bacarığı.
• Şəxsi bacarıqlar: Ünsiyyət, komandada işləmə, vaxtın idarə edilməsi və problemləri həll etmə bacarıqları.

Vəzifə öhdəlikləri:

• Agentliyin siyasətinə və prioritetlərinə uyğun olaraq proqram təminatı üzrə işləri müəyyən edərək inkişaf fəaliyyətlərinin planlaşdırılmasında iştirak etmək;
• Agentliyin müəyyənləşdirilmiş proseslərinin tələbləri üzrə proqram təminatının yazılmasında iştirak etmək;
• Yeni məhsulların yaradılmasında iştirak və onların tətbiqi metodlarının seçilməsi; Təşkilati inkişaf baxımından proqram təminatı üzrə yeni yazılacaq və ya alınacaq proqram təminatının kod səviyyəsində mənimsənilməsində birbaşa iştirak;       
• Agentliyin istifadəsində olacaq proqram təminatı üzrə kod versiyalarının jurnallarının tərtib edilməsi və manual şəklində saxlanması;
• Digər əməkdaşların sahəsi üzrə təkmilləşməsi və proqram təminatının mənimsənilməsində birbaşa iştirak;
• Şöbənin fəaliyyət nəticələrinə dair hesabatların hazırlanmasında iştirak.

İş şəraiti:

• İş qrafiki: Həftə içi 5 günlük iş rejimi (bazar ertəsi – cümə);
• İş yeri: Bakı şəhəri, Sabit Orucov 13 (Ali məhkəmənin yaxınlığı).

Seçim mərhələləri:

• Müraciətlərin nəzərdən keçirilməsi
• Müsahibə

Vakansiyaya son müraciət tarixi: 22 yanvar 2025;

Sizə uğurlar arzu edirik və komandamıza qoşulmağınızı səbirsizliklə gözləyirik!