“iFest” - innovasiya və texnologiya festivalı keçiriləcək

“iFest” - innovasiya və texnologiya festivalı keçiriləcək

Kiçik və Orta Biznes Subyektləri və Klubları Assosiasiyasının (KOBSKA) təşkilatçılığı, Kapital Bankın baş sponsorluğu ilə ölkəmizdə ilk “iFest” - innovasiya və texnologiya festivalı baş tutacaq.

Layihənin əsas məqsədi texnologiya şirkətlərinin tanıtımını etmək, startapların inkişafına dəstək olmaq, onların maliyyə imkanlarına çıxışını təmin etmək və nümayişini həyata keçirməkdir.

Festivalda 30-a yaxın startapın sərgisi, investor görüşləri (pitching), "Startap Forum"un təqdimatı, panel müzakirələri, texnoloji şoular, maraqlı konsert proqramı ilə 1000-dən çox ziyarətçinin qatılımı gözlənilir.

"İFest"- innovasiya və texnologiya festivalı bu il COP29'a həsr olunur və "Yaşıl texnologiya - yaşıl dünya naminə" şüarı ilə keçirilir.

Qeyd edək ki, tədbir 23 iyul tarixində Baku Marriott Boulevard Hotel-də baş tutacaq.

Festival silsiləvi xarakter daşıyır və növbəti illərdə də keçirilməsi planlaşdırılır.

Məlumat üçün bildirək ki, Smartnation tədbirin yaşıl texnologiya tərəfdaşıdır.

Qeydiyyat üçün bura klik edin.