Jurnalistika və ya rəqəmsal media ilə maraqlanırsınız? Siz həvəskar fotoqraf və ya kinorejissorsunuz? ABŞ və Avropa Universitetlərini təmsil edən müəllimlər habelə Qərbdə təhsil almış gürcüstanlı professorlar tərəfindən tədris olunan magistr proqramı üzrə təhsil almaq istərdinizmi? ABŞ Səfirliyi məmnunluqla bəyan edir ki, Gürcüstan İctimai Əlaqələr İnstitutu (GIPA) Azərbaycan vətəndaşlarından jurnalistika və media menecmenti üzrə magistratura proqramına (sentyabr 2023 - iyun 2025) ərizələri qəbul edir. Seçilmiş tələbələr ABŞ Dövlət Departamenti tərəfindən tam maliyyələşdiriləcək. Proqramın ümumi məqsədi Cənubi Qafqazda medianın gücləndirilməsidir.

Daha ətraflı məlumat üçün: http://az.usembassy.gov/gipa