PAŞA Malls Məlumat xidmətləri üzrə assistent vəzifəsinə namizədlər axtarır

Vəzifə:
 

PAŞA Malls Məlumat xidmətləri üzrə assistent vəzifəsinə namizədlər axtarır.

İşin xülasəsi:
 

Məlumat xidmətləri üzrə assistent ticarət mərkəzinin qonaqlarının suallarına cavab verməkdən, onlara yeni kampaniyalar barəsində məlumat verməkdən məsuldur. Aşağıda qeyd olunan meyarlara cavab verən namizədlərdən CV-lərini 16 iyul 2023-cü il saat 18.00-dək [email protected] ünvanına göndərmələri xahiş olunur.

Əmək funksiyalarının təsviri:
 

• Alış-veriş mərkəzinə gələn qonaqları qarşılamaq və salamlamaq, onları maraqlandıran sualları cavablandırmaq və maraq göstərdikləri mövzular üzrə əlavə məlumat vermək;
• Tələb olunduqda ticarət mərkəzi qonaqlarını məlumat kitabçaları ilə təmin etmək;
• Əlavə məlumat vermək məqsədi ilə maraqlı və potensial qonaqları müəyyən etmək;
• Tədbirlərdə nümayəndə qismində çıxış edərək təşkilatçılarla, digər heyət üzvləri və xüsusi qonaqlarla – menecerlər, sənətçilər və ərzaq təchizatçıları ilə əlaqə qurmaq. Həmçinin tədbirlər zamanı müştərilərin arasında olaraq onların məmnun olub-olmadıqlarından əmin olmaq;
• Qonaqlarla üz-üzə, telefon və electron poçt vasitəsi ilə təmasda olmaq;
• Qonaqların sorğularına vaxtı-vaxtında cavab vermək;
• Qonaqların şikayətlərini həll etmək;
• Qonaqların sorğularını və şikayətlərini həll etmək məqsədi ilə lazımi məlumatları toplamaq;
• Sorğular və həlli tapılmayan məsələləri lazımi yerlərə yönəltmək;
• Sorğular, rəylər və şikayətləri təfərrüatı ilə qeyd etmək;
• Daxili şöbələrlə təmasda olmaq;
• Avtomobil dayanacağının itmiş biletləri ilə bağlı məsələləri həll etmək;
• Gündəlik hesabatları hazırlamaq (itmiş və tapılan əşyalar, işə icazə vərəqələri və s.)

Əsas meyarlar:
 

• Yaxşı müştəri xidməti və təşkilatçılıq bacarıqları;
• Qonaqlar ilə və müxtəlif kateqoriya işçilər ilə effektiv ünsiyyət qurmaq bacarığı;
• Güclü iş etikası;
• Azərbaycan, ingilis və rus dillərində səlis danışmaq;
• MS Office proqramları ilə işləyə bilmək;
• Eyni zamanda bir neçə iş ilə məşğul ola bilmə və güclü təşkilatçılıq bacarıqları;
• Mükəmməl vaxtı idarəetmə bacarıqları və işdə prioritet düzgün müəyyən etmə bacarığı;
• Detallara diqqət və problemləri həll etmək bacarığı;
• Birbaşa nəzarət olmadan məsuliyyəti öz üzərinə götürərək inzibati işləri və gündəlik gündəlik məsələləri təkbaşına həll etmək bacarığı nümayiş etdirmək;
• Həm böyük bir komandanın bir hissəsi kimi, eyni zamanda müstəqil işləmək bacarıqları;
• İntizamlı olmaq: davranış qaydaları, geyim kodu və s. kimi şirkət tələblərinə yüksək səviyyədə uyğunluq göstərmək

Şirkət haqqında:

PAŞA Mall 2008-ci ildə açılan ilk ticarət mərkəzi ilə Azərbaycanın ən böyük ticarət mərkəzi operatorudur. Hazırda şirkət Bakıda 7 ticarət və əyləncə mərkəzini və Azərbaycanın ikinci ən böyük şəhəri olan Gəncədə bir ticarət mərkəzini idarə edir.

Qrupun portfelinə daxildir:

Bakının yeganə lyuks ticarət mərkəzi – Port Baku Mall;

Xəzər dənizinə açılan möhtəşəm terrası ilə şəhərin ən sevimli məkanları siyahısında birinci yerdə olan – Dəniz Mall;

Ölkənin ilk ticarət mərkəzlərindən biri olan - 28 Mall;

Ən böyük beynəlxalq və yerli brend məkanı olan - Gənclik Mall;

Bakının mavi səmasına açılan geniş tavanlı yeganə ticarət mərkəzi - Amburan Mall;

Şəhərdən kənarda yerləşən alış-veriş və əyləncə üçün sevimli məkan olan - Şüvəlan Park;

Ölkənin ikinci böyük şəhəri olan Gəncənin ən dəbdəbəli və müasir ticarət mərkəzi olan - Gəncə Mall.