Uşaqların birinci sinfə qəbulunda yenilik tətbiq edilir

Uşaqların birinci sinfə qəbulunda yenilik tətbiq edilir

Uşaqların I sinfə qəbulu prosesində Abşeron rayonu, Bakı, Sumqayıt və Gəncə şəhərlərində yerləşən və sıxlıq müşahidə edilən bir sıra ümumi təhsil müəssisələrinə qəbul zamanı üstünlük hüququ tətbiq olunur:

Uşağın ümumi təhsil müəssisəsinin yerləşdiyi ərazidə yaşaması;

Uşağın bacı və ya qardaşlarından birinin həmin ümumi təhsil müəssisəsində təhsil alması;

Uşağın valideynlərindən birinin həmin ümumi təhsil müəssisəsində işləməsi.

Ötən il üstünlük hüququ tətbiq edilən Bakı şəhərində yerləşən ümumi təhsil müəssisələrinin siyahısı və həmin müəssisələrin müəyyən edilmiş mikroəraziləri ictimaiyy

ətə elan edildi. 

Bu il isə Sumqayıt şəhəri üzrə də prioritet tətbiq edilən ümumi təhsil müəssisələrinin mikroəraziləri ictimaiyyətə elan edilib. 

Vətəndaşlar Bakı Şəhəri üzrə Təhsil İdarəsi (https://lnkd.in/eCfi9niF) və Abşeron-Xızı Regional Təhsil İdarəsinin (https://lnkd.in/eiK8tEvc) rəsmi hesablarına daxil olaraq daimi qeydiyyat ünvanının dislokasiyada olmasını dəqiqləşdirməlidirlər. 

Daimi qeydiyyat ünvanı dislokasiyada olmayan valideynlər müvafiq formanı doldurub, martın 3-nə kimi 5, 6, 7 saylı və Sumqayıt şəhər 2 saylı “ASAN xidmət” mərkəzlərinin təhsil xidmətləri bölməsinə yaxınlaşaraq təklif və rəylərini verə bilərlər.