“TİPx: Transformativ dövr” konfransı keçiriləcək

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən “Tələbə İnkişaf Platforması” (TİPx) çərçivəsində növbəti konfrans keçiriləcək.

“TİPx: Transformativ dövr” konfransında tələbələr karyera planlaması barədə məlumat əldə edəcək, əmək bazarına inteqrasiya olmaqda peşəkarların təcrübə və tövsiyələri ilə tanış olacaqlar.

Azərbaycan Memarlıq və İnşaat Universitetində keçiriləcək konfransda müxtəlif ali təhsil müəssisələrində təhsil alan 100-dən çox tələbə, müəllim heyəti və ekspertlər iştirak edəcək.

Konfransın spikerləri tərəfindən "Sabit məqsəd və kritik yol”, “Müvəffəqiyyətin inşası: memar sizsiniz”, “Orbitində uğur: məqsəd, hazırlıq, əzm”, “Atomik vərdişlər: kiçik dəyişikliklər, əlamətdar nəticələr” kimi mövzularda təqdimatlar ediləcək.

Tədbir 28 sentyabrda baş tutacaq və saat 15:00-da başlayacaq.

Qeydiyyat linki: https://docs.google.com/forms/d/1Pt1H6PGY90ZKxQr9wXe74vicK01kYlNSIfesKfMHvac/edit