“Gənc tədqiqatçıların VIII beynəlxalq elmi konfransı” keçiriləcək

Bakı Mühəndislik Universitetində (BMU) Ümummilli Lider Heydər Əliyevin anadan olmasının 101-ci ildönümünə həsr olunmuş “Gənc tədqiqatçıların VIII beynəlxalq elmi konfransı” keçiriləcək (26-27 aprel 2024-ci il).

Azərbaycan Respublikası Elm və Təhsil Nazirliyi, BMU və Gömrük Akademiyasının birgə təşkilatçılığı ilə gerçəkləşdiriləcək konfrans dünyanın müxtəlif universitet, akademiya və elmi-tədqiqat institutlarında fəaliyyət göstərən gənc tədqiqatçıları bir araya gətirmək, bu sahədə əldə olunan elmi nailiyyət və təcrübələri bölüşmək, eləcə də gənclərin elmə marağını artırmaq məqsədi daşıyır.

Konfransın işi aşağıdakı seksiyalar üzrə təşkil olunacaq:

Mühəndislik elmləri;
Xarici ticarət və gömrük xidməti;
Memarlıq və inşaat elmləri;
Təbiət elmləri;
İqtisadiyyat elmləri;
Filologiya elmləri;
Pedaqogika elmləri;
Hüquq;
Tarix və sosiologiya.

Konfransın təqvimi:

01 aprel 2024-cü il materialların elektron versiyalarının təqdim olunmasının son müddətidir.

Konfransın işçi dilləri:🇦🇿🇬🇧🇳🇱🇹🇷
Konfransın işi plenar və seksiya iclaslarında Azərbaycan, ingilis, rus və türk dillərində aparılacaq.

https://lnkd.in/eyb3MHz6