“İş Klubu” layihəsinin sayca 14-cü görüşünə qeydiyyat başlayıb

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Mərkəzi Karyera filialı tərəfindən keçirilən “İş Klubu” layihəsinin sayca 14-cü görüşünə qeydiyyat başlayıb.

Layihəyə məzunlar, işsiz və işaxtaran şəxslər müraciət edə bilərlər. İki həftə davam edəcək tədbir müddətində gənclər üçün “Karyera planlaması”, “İş məqsədlərinin təyini”, “İş axtarışı alətləri”, “CV və istək məktubunun hazırlanması”, “Müsahibə texnikaları”, “İş təkliflərinin analizi” mövzularında təlimlər təşkil ediləcək.

Bundan başqa layihə müddətində təlimlərlə yanaşı iştirakçılara fərdi karyera mentorlarə təyin ediləcək və proses ərzində onların inkişafı izləniləcək, iş axtarışı ilə bağlı nəticə əldə etmək üçün uyğun tapşırıqlar veriləcək.

Layihədə iştirak etmək üçün aşağıda qeyd edilən müraciət formasını dolduraraq qeydiyyatdan keçmək tələb olunur. Qeydiyyatı uğurla keçən şəxslərlə elektron poçt ünvanı vasitəsilə əlaqə saxlanılacaq.

Son müraciət tarixi: 12 Oktyabr 2023

Layihənin başlama tarixi: 16 Oktyabr 2023

Qeydiyyat linki: https://forms.gle/LtQfcVpDVdKVCYcY9