"İncəsənət Vasitəsilə Təkrar Emal Haqqında Məlumatlılığın Artırılması" Layihəsinə İştirakçı Qəbulu Başladı

Ecodemy və Könüllü Gənclər Birliyinin birgə təşkilatçılığı və “İsveçrə İnkişaf və Əməkdaşlıq Agentliyinin” dəstəyi ilə həyata keçiriləcək "İncəsənət Vasitəsilə Təkrar Emal Haqqında Məlumatlılığın Artırılması" layihəsinə qəbul elan edirik!

Layihənin məqsədi incəsənət vasitəsi ilə iqlim dəyişikliyi, ətraf mühit problemləri, həmçinin bərk tullantıların təkrar emalı və təkrar istifadəsi ilə bağlı maarifləndirməni artırmaqdır.

Layihə çərçivəsində Bakı və Mingəçevir şəhərlərində may ayı ərzində 5 gün olmaqla təlimlər və məşğələlər həyata keçiriləcək. Əldə edəcəyiniz bilik və bacarıqlar Sizə təkrar emal məhsullarından istifadə etməklə öz ideyanızı həyata keçirməyə yardımçı olacaq. İyun ayında isə hazırladığınız sənət əsərləri sərgidə nümayiş etdiriləcək.

Əgər Siz də incəsənətlə maraqlanır və öz əl işinizlə təkrar emalın əhəmiyyəti haqqında cəmiyyətə müsbət mesaj vermək istəyirsinizsə, bu layihə elə məhz Sizin üçündür!

Son qeydiyyat tarixi: 20.04.2023

Qeydiyyat linki: shorturl.at/gsQ19