“Bank Respublika” ASC PL/TMM şöbəsinin mütəxəssisi/aparıcı mütəxəssisi vəzifəsi üzrə vakansiya elan edir

“Bank Respublika” ASC PL/TMM şöbəsinin mütəxəssisi/aparıcı mütəxəssisi vəzifəsi üzrə vakansiya elan edir.

Ümumi vəzifə öhdəlikləri:

• Müştəri profilinin yaradılması zamanı Öz Müştərini Tanı (KYC) prosedurlarının düzgün tətbiq olunmasına nəzarət edilməsi; 
• PL/TMM proqram təminatında müştəri profilinin sanksiya siyahıları ilə uyğunluq dərəcəsinin araşdırılması, eyniləşdirmə/verifikasiya tədbirlərinin tətbiq edilməsi;
• PL/TMM proqram təminatında müştərilərin ölkədaxili və transsərhəd ödənişlərinin gündəlik əsasda yerli və beynəlxalq sanksiya siyahıları ilə uyğunluğunun araşdırılması, ödənişlərin icrasına dair rəylərin verilməsi;
• PL/TMM proqram təminatında müştərilərin bank əməliyyatlarının monitorinq olunması, qeyri-adi, şübhəli müştəri əməliyyatlarının aşkar edilməsi, araşdırılması və təhlil hesabatlarının hazırlanması;
• Maliyyə Monitorinq Xidmətinə gündəlik əsasda hesabatların hazırlanması;
• PL/TMM şöbəsinin fəaliyyəti ilə əlaqəli filiallara və bankdaxili digər strukturlara sorğuların göndərilməsi; 
• Filial, şöbə və bankın digər struktur bölmələrindən PL/TMM şöbəsinə daxil olan sorğuların, müraciətlərin bankdaxili PL/TMM haqqında qaydalarla uyğunluğunun araşdırılması və cavablandırılması.

Namizədə qarşı tələblər:

• Ali təhsil (Maliyyə, iqtisadiyyat və biznesin idarə edilməsi üzrə təhsil);
• Bank sahəsində minimum 1-2 illik iş təcrübəsi;
• PL/TMM sahəsində minimum 1-2 illik iş təcrübəsinin olması arzuolunandır;
• Dil bilikləri: Azərbaycan dili - əla, Rus və İngilis dilləri - yaxşı səviyyədə;
• Kompüter bilikləri: Microsoft Office Excel - yaxşı səviyyədə;
• Bank fəaliyyətini tənzimləyən Qanun və normativ qaydaların tələbləri üzrə biliklər;
• PL/TMM sahəsi ilə əlaqəli yeni bilik və bacarıqları özündə inkişaf etdirmək həvəsi;
• Araşdırma və təhlil üçün lazım olan məlumatları toplamaq bacarığı;
• Fikrini dəqiq, dolğun və özünə əminliklə təqdim etmə bacarığı;
• Yazılı və şifahi ünsiyyət qurmaq bacarığı;
• Məsuliyyətlilik, təşəbbüskarlıq və novatorluq.

Göstərilən tələblərə cavab verən namizədlər öz CV-lərini 30 oktyabr 2023-cü il tarixinədək emailin mövzu hissəsində PL/TMM şöbəsinin mütəxəssisi/aparıcı mütəxəssisi qeyd edərək [email protected] elektron ünvanına göndərə bilər. 

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.