![](https://cloud.edumap.az/cdn/posts/full/07/1771770297941693.webp)
İcbari Tibbi Sığorta üzrə Dövlət Agentliyi Təlim, inkişaf və qiymətləndirmə şöbəsinin müdiri vakansiyasını elan edir.
İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.
Biz nə təklif edirik:
Gənc və peşəkar kollektivdə çalışmağın üstünlüyü;
Yüksək komanda ruhunda əməkdaşlıq və zəngin təcrübənin qazanılması;
Karyera irəliləyişlərində yaradılan şərait;
Rəqabətədavamlı əmək haqqı;
İldə üç dəfə mükafat.
Görəcəyiniz işlər:
Təlim, qiymətləndirmə və inkişaf şöbəsinin fəaliyyətinin təşkili və rəhbərlik edilməsi;
Agentliyik əməkdaşları üçün təlim və inkişaf ehtiyaclarının müəyyən edilməsinin təşkili;
Təlim və inkişaf proqramlarının işlənib hazırlanması və genişləndirilməsinin təmin edilməsi;
Agentlikdaxili və xarici təlimlərin təşkil edilməsi;
Təlimçi kimi ixtisaslaşdığı sahələr üzrə ehtiyac yarandıqda və öz təşəbbüsləri ilə daxili təlimlərin keçirilməsi;
Müxtəlif multimedia cihazlarından istifadə, e-təhsil və s. kimi vasitələr ilə tədris mərkəzlərindən kənarda təlim prosesinin qurulmasının müəyyən edilməsi və yeni təlim imkanlarının yaradılmasının təşkili;
Təlim, inkişaf və qiymətləndirmə xidməti göstərən təşkilatların seçilməsi üçün işlərin (texniki şərtlər toplusu və ehtimal qiymətinin, büdcələrin hazırlanması) təşkil edilməsi;
Əməkdaşların bilik, bacarıq və səriştələrinin artırılması istiqamətində fəaliyyətlərin və tədbirlərin planlaşdırılması və təşkili;
Təlimlərin səmərəliliyinin struktur bölmə rəhbərləri və şöbə müdirləri ilə müzakirəsi, nəticələrinin təhlil edilməsinin təşkili;
Əməkdaşların struktur bölmə və vəzifələr üzrə qiymətləndirmə, inkişaf konsepsiyalarının işlənilməsinin təşkili;
Performans təhlillərinə uyğun olaraq işçilərin hədəf və məqsədlərin yerinə yetirlməsi üçün lazımi dəstək verərək təlimlərin təmin olunması;
Əməkdaşların qiymətləndirilməsi prosesinin təşkil edilməsi;
Əsas fəaliyyət göstəricilərini, Agentliyin dəyər və strateji hədəflərini nəzərə almaqla, performans qiymətləndirmə sisteminin qurulması;
Mükafatlandırma sisteminin yaradılması və həyata keçirilməsi;
İl sonu qiymətləndirmə prosesinə nəzarət etmək və təkmilləşdirilməsi ilə bağlı təkliflər vermək.
Bizim üçün uyğun namizəd:
Ali təhsil;
İnsan resursları sahəsində minimum 5 il, təlim və inkişaf sahəsində minimum 3 il iş təcrübəsi (təlim və inkişaf istiqamətində rəhbərlik təcrübəsi üstünlükdür);
Təlim, inkişaf və qiymətləndirmə sahəsi üzrə yeni yanaşmalar və konsepsiyalar barədə məlumatlılıq və tətbiq etmə bacarığı;
İdarəetmə və liderlik qabiliyyəti;
Yüksək ünsiyyət bacarıqları, təşəbbüskar, aktiv, komandada işləmək və təşkilatçılıq bacarığı;
Problemlərin həll edilməsi və danışıqların aparılması bacarığı;
Microsoft Ofis proqramlarında yaxşı səviyyədə işləmək bacarığı;
Təqdimat hazırlamaq və məlumatın qrafik şəkildə təsvir etmək bacarığı;
Azərbaycan dilində yüksək yazılı və şifahi ünsiyyət bacarığı;
Yaxşı səviyyədə ingilis dili biliyi.
Əlavə məlumatlar:
İş yeri: Lev Tolstoy 170;
İş qrafiki: 5 günlük iş həftəsi;
İş vaxtı: 09:00 – 18:00.
Müraciət qaydası:
Vakansiyaya son müraciət tarixi 07.08.2023-cü il;
CV-lər [email protected] ünvanına göndərilməlidir;
Müraciət etdiyiniz vəzifənin adı “mövzu” bölməsində qeyd edilməlidir;
Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.
BİZİ SOSİAL ŞƏBƏKƏLƏRDƏ İZLƏYİN:
FACEBOOK: Edumap.az
TELEGRAM:Edumap.az – Vakansiyalar, Təcrübələr, Təqaüdlər Seminarlar, Təlimlər Müsabiqələr və s.
İNSTAGRAM:@edumap.az
Tik-tok:edumap.az
Heçbir Rəy Yoxdur