Kiber təhlükəsizlik üzrə administrator vakansiyası

“Azərikard” MMC Azərbaycanda MasterCard, Visa, American Express, Diners Club, UnionPay və JCB Beynəlxalq Ödəmə Sistemləri tərəfindən tamamilə sertifikatlaşdırılmış ilk prosessinq mərkəzidir. 

Hal-hazırda aktiv olan vakansiya: Kiber təhlükəsizlik üzrə administrator

Vəzifə öhdəlikləri:
• NGFW, e-mail/web security gateway, PAM, WAF kimi qabaqcıl kibertəhlükəsizlik alətlərinin layihələndirilməsi, tətbiqi, konfiqurasiyası və idarəedilməsi. Bu alətlərin yüksək keyfiyyətdə işləməsini təmin etmək və problemlərin aradan qaldırılması üzrə operativ tədbirlər görmək;
• İKT infrastrukturunun qəza və xətalardan bərpa proseslərinə rəhbərlik edərək davamlılığı təmin etmək;
• Digər mühafizə vasitələri və idarəetmə sistemləri ilə inteqrasiyaları planlaşdırmaq, layihələndirmək və həyata keçirmək;
• Sistem girişinə nəzarət etmək və informasiya təhlükəsizliyi alətlərindən istifadə etməklə sistemin bütövlüyünü qorumaq;
• Təhlükəsizlik alətlərindən gələn “alert”-lara cavab vermək və riskləri vaxtında aradan qaldırmaq;
• Təhlükəsizlik əməliyyatları mərkəzi (SOC) komandası ilə əməkdaşlıq edərək insidentlərə cavab vermək, potensial təhdidləri müəyyənləşdirmək və onların həllini koordinasiya etmək;
• SOC çərçivəsində müştərilərə texniki konsultasiyalar verərək təhlükəsizlik mövqeyinin optimallaşdırılması üçün tövsiyələr vermək.

Vəzifəyə olan tələblər:
• Texniki sahədə, xüsusən İT və ya Kibertəhlükəsizlik üzrə ali təhsil;
• Kiber təhlükəsizlik sahəsində minimum 2 il iş təcrübəsi;
• E-mail/web security gateway, NGFW, PAM və ən azı iki əlavə kibertəhlükəsizlik aləti (məs. UEBA, DAM, FIM, DLP, EPP/EDR) ilə iş təcrübəsi;
• Təhlükəsizlik sistemlərinin yaradılması prinsiplərini və praktiki kibertəhlükəsizlik metodlarını (hücumların aşkarlanması və onlardan qorunma üsulları) düzgün analiz etmək bacarığı;
• Oracle, Postgres və ya MS SQL kimi ən azı bir məlumat bazası idarəetmə sistemində administrator səviyyəsində biliklər;
• Şəbəkə texnologiyaları üzrə əsas biliklər, infrastruktur təhlükəsizliyi üzrə praktiki biliklər.

Üstünlüklər:
• Kibertəhlükəsizlik üzrə sertifikatların mövcudluğu (CEH, CISSP, CCNA Security, PCNSA/PCNSE və s.);
• SOC mühitində və insidentlərin idarəedilməsində təcrübə.

Namizədlərdən CV-lərini “Kiber təhlükəsizlik üzrə administrator” mövzusu ilə [email protected] ünvanına göndərmək xahiş olunur.