Bakı Ali Neft Məktəbinin tələbəsinin startapı 25 min manat qazanıb

Bakı Ali Neft Məktəbinin tələbəsinin startapı 25 min manat qazanıb 

SOCAR-ın Bakı Ali Neft Məktəbinin (BANM) Kimya mühəndisliyi ixtisasının 5-ci kurs tələbəsi Vüqar Əliyevin həmtəsisçisi olduğu “4You” startapı Azərbaycan Respublikasının Rəqəmsal İnkişaf və Nəqliyyat Nazirliyinin İnnovasiya və Rəqəmsal İnkişaf Agentliyinin təşkilatçılığı ilə keçirilən "Startup Wise Guys" proqramının qalibi olub.

Finalda 10 komanda ilə yarışan startap 25 000 manat məbləğində investisiya qazanıb və "LTC İnnovation"də Qlobal Akselerasiya proqramında iştirak haqqı əldə edib.

 “4You” startapı peşəkar psixoloqlarla seansları onlayn formatda təqdim edən platformadır.