Biznes Analitik vakansiyası

Komandamıza Biznes Analitik axtarırıq!

Namizədə dair tələblər:
- Ali təhsil (İT idarəetmə, Tətbiqi Riyaziyyat, İqtisadi Kibernetika və oxşar sahələrdə ali təhsili olan namizədlərə üstünlük verilir);
- İT sahəsində biznes analitik və ya sistem analitiki vəzifəsində ən azı 3 il iş təcrübəsi;
- Proqram təminatının tətbiqi layihələrində iş təcrübəsi;
- Biznes sahəsi və biznes proseslərin idarə edilməsi sahəsində bilik və təcrübə;
- Proqramlaşdırmanın və Verilənlər bazasının əsaslarını bilmək;
- İstifadəçinin tələbləri əsasında müxtəlif tipli diaqramların, blok-sxemlərin, interfeys eskizlərinin hazırlanmasında bilik və təcrübə;
- Sistem Tələblərinin Spesifikasiyası və İstifadəçi Təlimatının hazırlanmasında iş təcrübəsi;
- Dil bilikləri: Azərbaycan dili (səlis), İngilis və Rus dillərindən ən az birini yaxşı səviyyədə bilmək;
- Analitik düşüncə tərzi, komandada işləmə və ünsiyyət qurma bacarığı.

Vəzifə öhdəlikləri:
- Layihə çərçivəsində istifadəçi tələblərinin toplanması üçün müştəri ilə görüş və analitik intervyuların həyata keçirilməsi;
- İstifadəçinin tələbləri əsasında lazımi qanunların və müştərinin müəssisə daxili qaydalarının öyrənilməsi və bu əsasda analiz işlərinin həyata keçirilməsi;
- İstifadəçinin tələbləri əsasında sistemin məntiqi dizaynının, müxtəlif tipli diaqramların, sxemlərin və istifadəçi interfeysi eskizlərinin hazırlanması;
- Müştərinin biznes proseslərinin öyrənilməsi, müvafiq diaqram metodları ilə modelləşdirilməsi və analiz edilməsi;
- İstifadəçi tələblərinin analizi nəticəsində sənədlərin hazırlanması və müştəri ilə razılaşdırılması;
- Sistemin proqramlaşdırma mərhələsində sistemin tələbləri və Analiz sənədinin təhlili ilə bağlı proqramçılara lazımi informasiya dəstəyinin göstərilməsi;
- Sistemin tətbiqi mərhələsində müştəriyə lazımi təlimlərin verilməsi və istifadəçi təlimatlarının hazırlanması.

Tələblərə cavab verən namizədlərdən CV formasını e-mail vasitəsilə mövzu yerinə “Biznes analitik” yazmaqla [email protected] elektron ünvanına göndərmələri xahiş olunur. Yalnız vakansiya tələblərinə uyğun namizədlərlə əlaqə saxlanılacaqdır.