ANİMAFİLM ŞƏKİDƏ!

ANİMAFİLM ŞƏKİDƏ!
IV ANİMAFİLM Beynəlxalq Animasiya Festivalının Şəkidə əks-sədası tədbiri 23-25 noyabr 2021-ci il tarixində Şəki “ASAN xidmət” mərkəzində keçiriləcəkdir. Festivalda üç gün ərzində uşaqlar və böyüklər üçün çəkilmiş ən maraqlı yerli və xarici animasiya filmləri təqdim ediləcəkdir. Ayrıca “Kağızdan Şaxta Baba düzəlt” adlı ustad dərsi təşkil ediləcəkdir.
“ANİMAFİLM Şəkidə!” tədbiri “PERİ FİLM” MMC şirkəti tərəfindən, Azərbaycan Respublikasının Mədəniyyət Nazirliyi və Şəki Şəhər İcra Hakimiyyətinin dəstəyi ilə keçirilir.
 Vacib qeydlər:
 “ANİMAFİLM Şəkidə” tədbirlərinə giriş sərbəstdir. Yerlər məhdud olduğundan öncədən qeydiyyatdan keçmək mütləqdir: +994 50 538 86 92 (WhatsApp).
Təşkilatçılar əlilliyi olan şəxslərin festivalda iştirak etməsi üçün onları ödənişsiz nəqliyyatla təmin edəcəklər.
 “ANİMAFİLM Şəkidə!” tədbirinin proqramı
 23.11.2021
12:00-13:30 – IV ANİMAFİLM-in ən yaxşı animasiya filmləri. Yaş 7+
17:00-9:00 – IV ANİMAFİLM-in ən yaxşı animasiya filmləri. Yaş 13+
 24.11.2021
12:00-13:30 – Azərbaycan animasiya filmləri. Yaş 7+
16:00-19:00 – Elçin Hami Axundovun “Kağızdan Şaxta Baba düzəlt” ustad dərsi. Yaş 7+
 25.11.2021
12:00-13:30 – IV ANİMAFİLM-in ən yaxşı animasiya filmləri. Yaş 10+
17:00-19:00 – IV ANİMAFİLM-in qalibləri. Yaş 18+
2018-ci ildə yaradılmış ANİMAFİLM Beynəlxalq Animasiya Festivalı Azərbaycanın ilk beynəlxalq animasiya festivalıdır. Hər il payızda keçirilən festivalda yüzlərlə yerli və xarici animasiya filmləri nümayiş etdirilir, işgüzar görüşlər, sərgilər, uşaqlar və peşəkarlar üçün ustad dərsləri təşkil olunur. Festivalın təşkil edilməsində məqsəd yerli və xarici tamaşaçıları, peşəkarları sevindirmək, həmçinin Azərbaycanda animasiya sənətinin inkişafına təkan verməkdir. Bu il təşkil olunan festival “ƏLİLLİK” mövzusuna həsr olunmuşdur.

Related Articles