“Azərbaycan Respublikası 30 ildə: Cənubi Qafqazın güc mərkəzi” mövzusunda respublika elmi konfransı keçiriləcək

14 oktyabr 2021-ci il tarixində AMEA-nınQafqazşünaslıq İnstitutunun təşkilatçılığı ilə “Azərbaycan Respublikası 30 ildə: Cənubi Qafqazın güc mərkəzi” mövzusunda respublika elmi konfransı keçiriləcək.

Konfrans aşağıdakı bölmələr üzrə baş tutacaq:

- Azərbaycan Respublikasının dövlət müstəqilliyinin bərpası və problemləri;

- Ermənistanın Azərbaycana qarşı hərbi təcavüzü və nəticələri;

- Ümummilli lider Heydər Əliyev və müstəqil Azərbaycan dövlətçiliyi;

- Beynəlxalq enerji, nəqliyyat-kommunikasiya layihələri;

- Azərbaycan dövlətinin güc meyarları;

- Azərbaycan Respublikası beynəlxalq əməkdaşlıq sistemində;

- İkinci Qarabağ müharibəsi və nəticələri;

- Prezident İlham Əliyev - görkəmli dövlət və siyasi xadim.

Konfrans üçün tezislərin hazırlanma qaydası:

- Microsoft Word, A4 ölçüdə 1 səhifə (300 söz), Times New Romanda, 12 şrift, 1 intervalla, soldan və sağdan 20 mm, yuxarı və aşağıdan 25 mm, abzaslar 1,15 sm parametrlərinə uyğun yazılmalıdır;

- Titul səhifədə sağda yuxarıda 12 şriftlə, qara hərflərlə müəllifin adı, soyadı, elmi dərəcəsi, vəzifəsi, işlədiyi elmi müəssisənin adı, elektron poçt ünvanı (e-mail) və əlaqə nömrəsi yazılmalıdır;

- Müəllifin ad və soyadından sonra səhifənin ortasında məruzənin adı 12 şriftlə, böyük qara hərflərlə yazılmalıdır.

Tezislərin son təqdim edilmə tarixi 15 sentyabr 2021-ci ildir.

Ünvan: Bakı ş., H.Cavid pr. 117

Tel: (+994 12) 539 89 55

E-mail: [email protected]