Azərbaycan Respublikası Mədəniyyət Nazirliyi “Öyrədərək öyrənirəm” adlı ustad dərsləri layihəsinə start verir

Azərbaycan Respublikası Mədəniyyət Nazirliyi “Öyrədərək öyrənirəm” adlı ustad dərsləri layihəsinə start verir. Layihə çərçivəsində ilk tədbir Xalq artisti, Prezidentin fərdi təqaüdçüsü, Azərbaycan Dövlət Pantomima Teatrının baş rejissoru Bəxtiyar Xanızadənin iştirakı ilə 10-14 yanvar 2022-ci il tarixlərində baş tutacaqdır. Ustad dərslərinə peşəkarlardan, gənclərdən və tələbələrdən ibarət olan teatrşünaslar, aktyorlar, rejissorlar dəvətlidir. 10-11 yanvar tarixlərində keçiriləcək “Həqiqi hisslərlə yaşamaq azdır” adlı təlimdə yalnız aktyorlar, 13 yanvar tarixində keçiriləcək “Şekspirin Hamleti. Hamlet kimdir?” adlı təlimdə yalnız rejissorlar, 14 yanvar tarixində keçiriləcək “Teatr və mən – mən və teatr” adlı təlimdə isə yalnız teatrşünasların iştirakı nəzərdə tutulmuşdur. Təlimlər Azərbaycan Dövlət Pantomima Teatrında saat 11-00-dan 13-00-dək davam edəcəkdir. Giriş qeydiyyatladır. Qeydiyyatdan keçmək istəyənlər müraciət formasını (https://forms.gle/GfQE5WEdebvfHX6n9) doldurmalıdır. Müraciət üçün son tarix: 5 yanvar 2022-ci il   Əlaqə nömrəsi: 012-493-06-03 Email: [email protected]