1 Oktyabr 15:06

“Banklar və Biznes” Qəzeti növbəti məqalə müsabiqəsini elan edir

“Banklar və Biznes” Qəzeti (BBN.az)  tələbələrarası məqalə müsabiqəsi elan edir. “Yapı Kredi Bank Azərbaycan” QSC-nin dəstəyi ilə keçirilən müsabiqədə hazırda jurnalistika və iqtisadiyyat üzrə bakalavr və magistr  təhsili alan bütün tələbələr iştirak edə bilərlər.

Müsabiqədə təqdim edilməli olan məqalənin mövzusu aşağıdakı kimidir:

“Məsuliyyətli borclanma”

Müsabiqə aşağıdakı istiqamətləri  əhatə etməlidir:

 

  • Məsuliyyətli borclanma nə üçün önəmlidir;
  • Kredit üçün müraciət etməzdən əvvəl vətəndaş hansı məqamlara diqqət etməlidir;
  • Borclanma ilə bağlı qərarı verərkən ödəmə qabiliyyətinin, cari və gələcək gəlirlərin, xərclərin qiymətləndirilməsi nə üçün vacibdir;
  • Maliyyə öhdəliyinin vaxtında və tam icra edilməməsi borcalan üçün və bank –maliyyə                    sistemində hansı problemləri yarada bilər;
  • Məsuliyyətli borclanmanın təmin olunması üçün borcalanın öhdəsinə düşən vəzifələr;

Mükafat fondu:

1-ci yer – 500 manatlıq hədiyyə kuponu;

2-ci yer – 300 manatlıq hədiyyə kuponu;

3-cü yer  – 200 manatlıq hədiyyə kupunu;

Növbəti  5 yer – həvəsləndirici hədiyyələr

Müsabiqənin şərtləri:

Müsabiqədə iştirak etmək istəyən şəxs hazırda jurnalistika və ya iqtisadiyyat üzrə bakalavr və magistr təhsilini davam etdirməlidir;

Bir şəxs yalnız bir məqalə ilə müsabiqədə iştirak edə bilər;

Məqalə əvvəl heç bir kütləvi informasiya vasitəsində yayımlanmamalıdır.

Yazıya qarşı olan tələblər:

Məqalə “Times New Roman” yazı şriftində, 11 punto ölçüsündə, 1.5 ara ilə hər tərəfdən 20 mm məsafədə olan A4 formatlı səhifədə yazılmalıdır;

Məqalənin həcmi 11 min simvoldan (boşluqlar nəzərə alınmadan) çox olmamalıdır.

Müraciət:

Hazırlanan məqalələr  10 noyabr 2018-ci il tarixinə qədər aşağıda göstərilənlərlə birlikdə [email protected]  elektron ünvanına, məktubun mövzusunda “MÜSABİQƏ” qeyd etməklə yollanmalıdır:

  • Şəxsiyyət vəsiqəsinin üzü
  • Tələbə biletinin üzü;
  • Ev və ya mobil telefonu.

Qeyd edək ki, məqalə müsabiqəsi çərçivəsində seminar da təşkil olunacaq.

Bəyən və paylaş

Rəylər

rəy(lər)