Sentyabrın 24-də AMEA-nın Qafqazşünaslıq İnstitutunda keçiriləcək “Cənubi Qafqazda ərazi-sərhəd dəyişiklikləri: tarix və müasirlik” mövzusunda respublika elmi konfransına məqalə qəbulu davam edir. İnstitutdanAZƏRTAC-a bildirilib ki, konfrans XIX əsrdə ermənilərin Cənubi Qafqaza köçürülməsi və ərazi dəyişiklikləri, 1918-1920-ci illərdə Cənubi Qafqazda ərazi-sərhəd məsələləri və Ermənistanın yaradılması, sovet dövründə ərazi-sərhəd məsələləri, 1991-ci ildən sonra Cənubi Qafqazda ərazi işğalları və nəticələri bölmələrini əhatə edəcək. Konfransda iştirak etmək istəyənlər tezislərini sentyabrın 10-də[email protected]ünvanına göndərə bilərlər. Konfransın Elmi Komitəsinin tezislər barəsində qərarı haqqında müəlliflər sentyabrın 15-də məlumatlandırılacaq. Yalnız müsbət rəy alan tezislər qəbul və dərc ediləcək.