26 noyabr 2021-ci il tarixində Azərbaycan Respublikası Təhsil İnstitutu tərəfindən icra edilən “İcma əsaslı məktəbəqədər təhsil” layihəsi tərəfindən “Erkən uşaq inkişafına - yeni yanaşmalar və təcrübələr” adlı onlayn forum keçiriləcək. Forumun keçirilməsində məqsəd erkən uşaq inkişafı ilə bağlı tədqiqat və təcrübələri bölüşmək, cəmiyyəti bu haqda maarifləndirmək, erkən uşaq inkişafında təhsilin önəmi və inkişaf mexanizmləri haqqında məlumat verməkdir. Forumda bu sahə üzrə ekspert, tədqiqatçı və yüksək təcrübəyə malik spikerlərin iştirakı nəzərdə tutulub. Forumda iştirak edənlərə sertifikat təqdim olunacaq.