Bakı Kommunikasiya Laboratoriyası orta məktəb yaşlı gəncləri foto, video və multimedia hekayələri hazırlamaq və müxtəlif sosial media kanalları vasitəsilə tamaşaçılarla bölüşmək bacarıqları əldə etmək üçün vizual kommunikasiyalar üzrə təlim proqramında iştirak etməyə dəvət edir. İştirakçılar hekayələri necə tapmaq, çəkmək, redaktə etmək və yaymaq, məlumat və mənbələrin etibarlılığını yoxlamaq yollarını öyrənəcək. Eyni zamanda, onlara məlumat və mənbələrin etibarlılığını yoxlamaq yolları başa salınacaq. Laboratoriya iştirakçılara müxtəlif rəqəmsal formatlarda hekayələr hazırlamaq üçün lazım olan kameralar, mikrofonlar, montaj proqramlarına asan çıxışı təmin edən istehsal avadanlıqları ilə təmin edəcək. Hər bir təlim modulunun sonunda iştirakçılar arasında ən yaxşı layihələri müəyyən etmək və mükafatlandırmaq üçün müsabiqə əsasında festivallar keçiriləcək. Təlim proqramı iştirakçılar üçün ödənişsizdir Proqram kimlər üçündür: Yuxarıda qeyd olunan bacarıqlara yiyələnməyə maraqlı olan 15 yaş yuxarı gənclər Tarixlər: Son müraciət tarixi: 4 Iyun 2022-ci il Seçim və təlimin başlanğıc vaxtı: Iyun, 2022 Təlim günləri: Hər həftəsonu