27 Fevral 12:46

“Harmoniya” adlı qrup sərgisi keçiriləcək

“Harmoniya” adlı qrup sərgisi keçiriləcək

Azərbaycan Respublikası Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə 2020-ci il mart ayının 5-i saat 18:30-da Azərbaycan Dövlət Akademik Opera və Balet Teatrında (2-ci mərtəbə) 8 Mart  Beynəlxalq Qadınlar Gününə həsr olunmuş rəssam və fotoqrafların “Harmoniya” adlı qrup sərgisi keçiriləcəkdir.

“Harmoniya” adlı qrup sərgidə 30-a yaxın rəssam, heykəltəraş və fotoqrafın 50-dən çox əsəri sərgilənəcəkdir.

Sərgi təsviri sənətin müxtəlif sahələri ilə yanaşı bədii fotoqrafiya sənətinə olan marağı artırmaq, cəmiyyətdə qadının yeri və roluna diqqət çəkmək məqsədi ilə həyata keçirilir.

Sərginin ekspozisiyasında müxtəlif üslub və texnikalarda işlənmiş rəngkarlıq, heykəltəraşlıq və bədii fotoqrafiya nümunələri, o cümlədən Azərbaycan Dövlət Rəsm Qalereyasının fondundan seçilmiş əsərlər də nümayiş olunacaqdır.

Sərgidə həmçinin “Parlaq” Yaradıcı Gənclər İctimai Birliyi öz musiqi nümunələri ilə çıxış edəcəkdir.

Giriş sərbəstdir.

Media nümayəndələri dəvətlidir.

Bəyən və paylaş