Dövlət Məşğulluq Agentliyinin vətəndaşlara daha keyfiyyətli xidmət göstərmək məqsədilə başlatdığı “İdeya qutusu” layihəsi üzrə müraciət qəbulu davam edir.

Məşğulluq xidmətlərinin daha keyfiyyətli olması və Agentliyin işində vətəndaş iştirakçılığının artırılması məqsədilə ideyalar üç istiqamətdə qəbul edilir:

✔ Agentliyin işinin optimallaşdırılması məqsədilə yeni xidmətlərin təklifi və ya mövcud xidmətlərin təkmilləşdirilməsi üçün təkliflər;

✔ Əhalinin məşğulluq səviyyəsinin yüksəldilməsi məqsədilə layihə təklifləri;

✔ Özünüməşğulluq zərflərinin təkmilləşdirilməsi üçün təkliflər.

İdeya və ya layihə təklifi qəbul edilən vətəndaşlar bu barədə məlumatlandırılacaq və həmin şəxslər verdikləri töhfə üçün müvafiq təşəkkürnamə ilə təltif ediləcəklər.

“İdeya qutusu”na müraciətlərinizi qeyd edilən keçid vasitəsilə göndərə bilərsiniz:https://lnkd.in/ek2-mEAE