5 Dekabr 19:20

“İqitisadi inkişaf regional və qlobal gərginliyin artması şəraitində” mövzusunda tələbə-elmi konfransı keçiriləcək

21 Dekabr 2015-ci ildə UNEC Beynəlxalq İqtisadi Münasibətlər Fakültəsi Tələbə Elmi Cəmiyyəti və Tələbə Araşdırma Mərkəzi tərəfindən “Dünya Azərbaycanlılarının Həmrəylik Günü”nə həsr olunmuş “İqitisadi inkişaf regional və qlobal gərginliyin artması şəraitində” mövzusunda tələbə-elmi konfransı keçiriləcəkdir.

21 Dekabr 2015-ci il saat 11.00-da UNEC/2-ci tədris binasının Böyük akt zalında konfransın Plenar iclası başlayacaq və saat 13.00-a kimi davam edəcəkdir.Saat 14.00-da konfrans öz işini aşağıdakı beş bölmədə davam etdirəcəkdir:
1) Milli müstəqilliyin möhkəmləndirilməsi beynəlxalq güc mərkəzləri arasındakı gərginliyin artması kontekstində;

2) Transregional investisiya layihələri regional və qlobal gərginliyin artması şəratində;
3) Qlobal risklər şəraitində xarici iqtisadi ticarət fəaliyyəti;
4) Müasir beynəlxalq siyasi-iqtisadi gerçəklik və iqtisadi inkişaf modelləri.

21 dekabr 2015-ci il saat 18.00-da məruzəçilərin mükafatlandırılması olacaq və bununla da konfransın işi yekunlaşacaqdır.
Tələbələri BİM Tələbə Elmi Cəmiyyəti və Tələbə Araşdırma Mərkəzinin təşkil etdiyi bu möhtəşəm tələbə elmi-praktiki konfransında aktiv iştirak etməyə dəvət edirik.

Konfransda iştirak etmək istəyən hər bir tələbənin 16 Dekabr 2015-ci il tarixinədək [email protected] adresinə adını, soyadını, təhsil aldığı universitetin və fakültənin adını, çıxış edəcəyi mövzunun adını və mətnini,elmi rəhbərlərinin adını və əlaqə nömrələrini qeyd edərək qeydiyyatdan keçməsi xahiş olunur.

Bəyən və paylaş