İşsiz və işaxtaran şəxslərin nəzərinə! Dövlət Məşğulluq Agentliyinin Quba-Xaçmaz Regional Məşğulluq filialının dəstəyi ilə Siyəzəndə "Açıq Qapı” günü keçiriləcək. Azərbaycan Respublikası Prezidentinin İşlər İdarəsinin “Şabran Yaradıcılıq-İstirahət Kompleksi”ndə müvafiq vakansiyalar üzrə işə qəbul olunmaq istəyən şəxslər göstərilən tarixdə qeyd olunan ünvana yaxınlaşa bilərlər. Tədbirə gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır. Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür. “Açıq qapı”da iştirak edən şəxslərə vakansiyalar, iş öhdəlikləri və şərtlər haqqında daha ətraflı məlumat təqdim ediləcəkdir. Siyəzən şəhəri, Heydər Əliyev küçəsi 92 (Siyəzən şəhəri Mədəniyyət Mərkəzi) 24 iyun, 2022 11:00 – 16:00 Vakansiyalarla buradan tanış ola bilərsiniz: https://lnkd.in/eqYVsMJg