İşsiz və işaxtaran şəxslərin nəzərinə!

İşsiz və işaxtaran şəxslərin nəzərinə! Dövlət Məşğulluq Agentliyinin Mərkəzi Aran, Abşeron-Xızı və Qazax-Tovuz Regional Məşğulluq filiallarının dəstəyi ilə Açıq qapı günü keçiriləcək. "PARA BOKT” ASC, “Al Market” MMC və Saloğlu Fərdi Firmasında qeyd olunan vakansiyalar üzrə işə qəbul olunmaq istəyən şəxslər göstərilən tarixdə müvafiq filiallara yaxınlaşa bilərlər. Əmək yarmarkasına gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır. Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür. Vakansiyalar, iş öhdəlikləri və şərtlər haqqında daha ətraflı məlumat “Açıq qapı”da iştirak edən şəxslərə təqdim olunacaqdır. Açıq qapı günü keçiriləcək ünvan və tarix: Mingəçevir şəhəri, Dostluq Parkı, N.Nərimanov 22 A (Mingəçevir şəhər Gənclər evi) 3 iyun, 2022 Abşeron rayonu, Xırdalan şəhəri, Heydər Əliyev pr. 8 iyun, 2022 Qazax şəhəri, Şəhidlər Xiyabanı küçəsi, Mütəfəkkirlər parkı 9 iyun, 2022