“Bank Respublika” ASC “Naxçıvan” filialı üçün Korporativ bankçılıq üzrə kiçik mütəxəssis vəzifəsi üzrə vakansiyalar elan edir.



Ümumi vəzifə öhdəlikləri:

• Müştərilərə bankın məhsul və xidmətləri haqqında ətraflı, dolğun məlumat və məsləhətlər vermək;


• Bankın korporativ müştərilərinə xidmət etmək;


• Hüquqi şəxslərə cari hesablar açmaq, aparmaq və bağlamaq;


• Əmanət hesabları üzrə faizlər və əmanətin ödənilməsini həyata keçirmək;


• Hesablar üzrə tələb olunan bütün əməliyyatları icra etmək;


• Qayda və təlimatlara uyğun olaraq hesab üzrə müştərilərin sərəncamlarını icra etmək;


• Bank sənədlərini Azərbaycan Respublikasının qüvvədə olan qanunvericiliyinin tələblərinə uyğun qaydada tərtib etmək və rəsmiləşdirmək.

Namizədə qarşı tələblər:

• Ali təhsil (maliyyə, iqtisadiyyat və biznesin idarə edilməsi üzrə təhsil arzuolunandır);


• Dil bilikləri: Azərbaycan dili (əla);

• MS Office (Word, Excel, Outlook) proqramları üzrə biliklər;


• Məlumatlar əsasında təhlil etmə və düzgün qərar vermə bacarığı;


• Müxtəlif düşüncə və dünyagörüşə malik insanlarla yazılı və şifahi ünsiyyət qurmaq bacarığı;

• Yeni bilik və bacarıqları özündə inkişaf etdirmək həvəsi;

• Komandanın bir üzvü olmaq üçün, yeni iş mühiti və kollektivə tez uyğunlaşmaq bacarığı.

 

Göstərilən tələblərə cavab verən namizədlər öz CV-lərini 05 may 2022-ci il tarixinədək email-in mövzu hissəsində Korporativ bankçılıq üzrə kiçik mütəxəssis (Naxçıvan) qeyd etməklə [email protected] elektron ünvanına göndərə bilər. Əks təqdirdə belə müraciətlilərin namizədliyinə baxılmaya bilər.

 

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.