"Mədəni yenilənmə" layihəsi

"Mədəni yenilənmə" layihəsinin bu dəfəki qonağı Rusiya Kino və Televiziya Rəssamları Gildiyasının vitse-prezidenti, Moskva Kino Məktəbinin "Bədii quruluş" proqramının kuratoru Əddis Hacıyevdir. Əddis Hacıyev - Rusiya Kino və Televiziya Rəssamları Gildiyasının vitse-prezidenti, Moskva Kino Məktəbinin bədii proqramlar üzrə rəhbəri və "Bədii quruluş" proqramının kuratoru, rejissor, teatr və kino rəssamıdır. Tədbir çərçivəsində onun "İdrak" adlı qısametrajlı filmi nümayiş olunacaq. Film, 2021-ci ildə Türkiyədə keçirilən "Efeler Uluslararası Çevre Film Günleri" festivalında Aydın bələdiyyə başqanının mükafatını qazanmışdır. Həmçinin, tədbir zamanı Moskva Kino Məktəbinin tələbələrinin əsrsəyə gətirdikləri işlər təqdim olunacaq.

Nümayişdən sonra Avropa, Rusiya və Azərbaycanda kino istehsalının xüsusiyyətlərinə dair müzakirələr aparılacaq.

26 aprel, saat 19:00

YARAT Müasir İncəsənət Mərkəzi

Tədbir rus və Azərbaycan dillərində keçiriləcək

Giriş ödənişsizdir

Həmçinin layihə çərçivəsində təhsil sahəsi üzrə ekspert Yekaterina Çərkəz-zadə ilə kreativ sənayelərin inkişafına dair panel müzakirə keçiriləcək. Y.Çərkəz-zadə, yaradıcı sənayelər sahəsində aparıcı təhsil müəssisələrini - Britaniya Ali Dizayn Məktəbi, Scream Kompüter Texnologiyaları Məktəbi, Moskva Kino Məktəbi, Moskva Memarlıq Məktəbi MARŞ, Moskva Kommunikasiya Məktəbi MACS, Moskva Musiqi Məktəbi və digər layihələri özündə birləşdirən Universal Universitetinin direktorudur.

27 aprel, saat 19:00

YARAT Müasir İncəsənət Mərkəzi

Tədbir rus və Azərbaycan dillərində keçiriləcək

Giriş ödənişsizdir