“Məktəb inspektoru” vakansiyası

“Məktəb inspektoru” vakansiyası

 

Təhsildə Keyfiyyət Təminatı Agentliyi “Məktəblərdə İnspeksiya” layihəsi çərçivəsində   məktəb inspektoru vəzifəsi üzrə vakansiya elan edir.

 

Ümumi

Ümumtəhsil məktəblərində təhsilin keyfiyyətinin qiymətləndirilməsi və təhsilin keyfiyyətinin yaxşılaşdırılmasına dəstək məqsədilə “məktəblərin inspeksiyası” layihəsinə başlanılır. Ümumtəhsil məktəblərində inspeksiya layihəsinin keyfiyyətli, şəffaf və düzgün keçirilməsi məqsədilə məktəb inspektoru” vəzifəsi üzrə uyğun namizədlərin işə cəlb olunması nəzərdə tutulur.

 

Vəzifə

Sizin vəzifəniz tədris, öyrənmə, məktəb idarəetməsi, şagird nailiyyətləri, şagirdlərin fərdi və  sosial inkişafı,  məktəblərdə gigiyena, sağlamlıq və təhlükəsizlik  işinin təşkili, şagirdlərlə, əməkdaşlarla və valideynlərlə ünsiyyətin təşkili istiqamətləri üzrə müəyyən olunmuş standartlar əsasında məktəb qiymətləndirməsini həyata keçirmək olacaqdır.

 

Məsuliyyət

 

  1.    Ümumtəhsil məktəblərində tədris, öyrənmə, məktəb idarəetməsi, şagird nailiyyətləri, şagirdlərin fərdi və  sosial inkişafı istiqamətində təftiş üçün lazımi məlumatların toplanması
  2.    Təqdim olunmuş standartlar əsasında məktəblərdə sənədləri araşdırmaq, məktəb rəhbərliyi, müəllimlər, şagirdlər və valideynlərlə görüşlər keçirmək
  3.    Dərsləri müşahidə etmək  və dərs prosesi, müəllimlərin dərs planlaması və şagird  qiymətləndirməsi haqda  təqdim edilmiş standart və meyarlara əsasən qeydlər aparmaq, faktlar toplamaq

 

4.    Məktəb inspeksiyasının sonunda əldə olunmuş məlumatlar əsasında hesabat hazırlanması

  5.    Vəzifə öhdəliklərindən irəli gələn digər fəaliyyətləri həyata keçirmək.

 

Tələblər

 

  • Ali təhsil;
  • Sahə üzrə mövcud qanunvericilik, qayda və tənzimləmələr haqda biliklər;
  • Minimum 7 il iş təcrübəsi, o cümlədən pedaqoji sahədə və idarəetmə sahəsində iş təcrübəsi mütləqdir;
  • Ümumtəhsil məktəblərində keyfiyyət qiymətləndirilməsi sahəsində beynəlxalq təcrübəni araşdırma, öyrənmə bacarığı;
  • Yüksək səviyyədə Azərbaycan və ingilis dili biliyi (rus dili arzuolunandır);
  • Microsoft Office proqramlarını yüksək səviyyədə bilmək və internet resurslarından istifadə bacarığı;
  • Effektiv şifahi və yazılı peşəkar kommunikasiya bacarığı;
  • Analitik, strateji düşünmə və problem həlletmə bacarığı;
  • Monitorinq və qiymətləndirmə bacarığı;
  • Təşkilatçılıq bacarığı;
  • Komandada işləmə bacarığı;
  • Zərurət olduqda ölkə ərazisi üzrə səyahət etmək imkanı;
  • Minimum yaş həddi – 27 yaş

 

Üstünlüklər

  • Dövlət qurumlarında təmsil olunma və dövlət əhəmiyyətli tapşırıqların icrası;
  • Dövlət qurumlarında karyera qurmaq və vəzifədə irəliləmək imkanı;
  • Rəqabətqabiliyyətli və nəticəyönümlü əməkhaqqı sistemi.

 

İş qrafiki: Tam ştat (bazar ertəsi-cümə, saat 09:00-18:00  və ya  müqavilə əsasında sərbəst qrafiklə

 

Son müraciət tarixi: 28.02.2021

 

Göstərilən tələblərə cavab verən namizədlər öz CV- lərini   [email protected] elektron ünvanına mövzu yerinə “məktəb inspektoru” qeyd etməklə göndərə bilərlər.

Bir cavab yazın

Back to top button