31 Mart 20:21

“Paris”. Maya Bağırovanın fotosərgisi

“Paris”. Maya Bağırovanın fotosərgisi

Maya Bağırovanın bir sıra fotoşəkilləri “təəssürat” sözü ilə təsvir edilə bilər. Bu əsərlərdə – axıb gedən zamanın hərəkəti öz təzahürünü tapır. Ağlı-qaralı kadrlarının məkanı isə Parisdir.
Avropanın qabaqcıl fotoqrafiya məktəbi “Spéos”-un tələbəsi olan Maya Bağırova Fransadakı təhsilinin ilk illərində fotoobyektivinin köməyi ilə Parisi kəşf edirdi. Dili yad olan tanımadığı şəhərin küçələri ilə gəzişərkən, onun ətrini, melanxoliyasını, tarixini duymağa başlayırdı.

14 aprel Frankofoniya Həftələri çərçivəsində, Fransa Səfirliyinin dəstəyi ilə fotoqrafın monoxrom kadrlarda əks etdirdiyi bu tapıntılar «Art Tower» («Arts Council Azerbaijan») qalereyasında sərgilənəcək.

Tərcümeyi-hal:
Maya Bağırova 1993 ildə Bakıda anadan olub
2011-ci ildə Bakı İncəsənət Gimnaziyasını bitirib
2011-ci ildə Üzeyir Hacıbəyov adına Musiqi Akademiyasına daxil olub (skripka sinfi)
Beynəlxalq Muğam Mərkəzində fotoqraf kimi işləyib
2016-cı ildə Parisə köçüb, burada “Spéos” məktəbində və “Paris Match” jurnalında təhsilini davam etdirir

Sərgilər:
– 2015 “Salon des Beaux Arts”, Paris
– 2016 Cornette de Saint Cyr “La solitude”
– 2016 Cornette de Saint Cyr “Grandeur Nature”
– 2018 “Grand Prix Etudiant de Paris Match” müsabiqəsinin finalçısı

Mükafatlar:
– 2015 SNBA Qızıl Medalı, Fransa
– SNBA Jüri Qızıl Medalı – “Jean Larivier” mükafatı
– 2015-ci il Bronz Medalı “İlin fotoqrafı”, Azərbaycan
Sərginin məkanı və tarixi:
14-24 Aprel 2019, “Art Tower” (Kiçik Qala, 105, тел.: 012 492 92 69)

Bəyən və paylaş

Rəylər

rəy(lər)