Qarabağ Dirçəliş Fonduna ianə etmək imkanı Hesab.az, AsanPay, Portmanat və “Hökümət ödəniş portalına” əlavə olundu

Qarabağ Dirçəliş Fonduna ianə etmək imkanı Hesab.az, AsanPay, Portmanat və “Hökümət ödəniş portalına” əlavə olundu

Qarabağ bölgəsinin erməni işğalından azad edilməsi humanitar fəlakətlə yanaşı, dağıntıların miqyasının necə böyük olmasını, yüzlərlə yaşayış məntəqəsinin və minlərlə tikilinin erməni işğalçıları tərəfindən yer üzündən demək olar ki, tamamilə silindiyi də üzə çıxardı.

Zərər yalnız maddi obyektlərlə, tarixi abidələrlə və memarlıq inciləri ilə məhdudlaşmır.

Təbii sərvətlərin amansızcasına istismar olunması, meşələrin qırılması, çay və göllərin çirkləndirilməsi nəticəsində regionun ekologiyasına da böyük zərər vurulmuşdur.

Bərpa və quruculuq işlərinin uğurla yerinə yetirilməsi üçün dövlətin, cəmiyyətin və diasporumuzun səylərininin birləşdirilməsi vacibdir.

Azərbaycan Respublikasının Prezidenti İlham Əliyevin fərmanı ilə yaranan Qarabağ Dirçəliş Fondu bu işdə səylərin birləşdirilməsi üçün vahid platformadır.

Fond işğaldan azad edilmiş ərazilərinin bərpası və yenidən qurulması, habelə dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə maliyyə dəstəyinin göstərilməsini və sərmayələrin cəlb edilməsini, bu sahədə dövlət-özəl tərəfdaşlığının inkişaf etdirilməsini, habelə ölkə daxilində və ölkə xaricində zəruri təşviqat işlərini  həyata keçirən publik hüquqi şəxsdir.

İşğaldan azad olunmuş ərazilərin bərpasını dəstəkləmək üçün Qarabağ Dirçəliş Fonduna ianə etmək imkanı bir neçə platformalara əlavə olunub.

İndi ianə etmək istəyən şəxslər ödənişi Hesab.az, AsanPay, Gpp.az (“Hökümət ödəniş portalı”) və Portmanat onlayn xidmətlər portallarının həm müvafiq vebsayt, həm Android və İOS mobil tətbiqləri vasitəsilə həyata keçirə bilərlər.

Onlayn ödəniş vebsaytları:

Android tətbiqləri:

iOS tətbiqləri:

Qarabağ Dirçəliş Fonduna ianələrin köçürülməsi imkanları haqqında daha ətraflı burada: https://qdf.gov.az/iane-et/

Related Articles