Bu Sindrom haqqında eşitmisinizmi? Qarşılaşmısınızmı? Oxumasını istədiyiniz dostunuzu tag edin! Uğura gedən yolda maneə "Xərçəng Səbət Sindromu"   Vedrədə tək olan xərçəng vedrədən çıxa bilər, amma ikidən çox xərçəng olan vedrədən çıxa bilməz. Onların bir-birinə kömək edib rahat çıxmaq imkanı olsa da, bunun əksini edirlər, yuxarı çıxan xərçəngi aşağı çəkirlər və qaçmağı qeyri-mümkün edirlər. Buna "Crab Bucket Syndrome" (Crab Mentality) deyilir. Buna görə də xərçəng vedrələrinin qapağı yoxdur.   Filippinlilər arasında məşhur olan bu anlayışı ilk dəfə aktivist yazıçı Ninotchka Rosca istifadə edib və “məndə yoxdursa, sizdə də olmamalıdır” zehniyyətini ifadə edir. Əslində, xərçənglərin bu davranışı dəniz sahillərindən gəlir, burada başqalarından tutmaq sağ qalmağa kömək edir. Bu vəziyyət iş həyatında olan insanlarda da müşahidə oluna bilər. Ancaq bunu heyvanlar kimi instinktlərinə görə deyil, sırf pis fikirləri üzündən edirlər. Bu insanlar iddialı və qısqancdırlar. Onlar heç kimin özlərindən daha yaxşı olmasını istəmirlər və uğurlu insanlara dözə bilmirlər. Bunu təkcə iş həyatında deyil, məktəbdə, ailə münasibətlərində və ya dost çevrəsindəki insanlarda da görmək olar. Nəyəsə nail olmaq istəyən insanlara dəstək olmaq əvəzinə, “zəhmət çəkmə, bacarmazsan, nə mənası var” kimi ifadələrlə onlara mane ola bilərlər. Bu insanlar sabit düşüncə tərzinə sahibdirlər, zəkalarının və keyfiyyətlərinin inkişaf edə bilməyəcəyinə inanırlar. Çətinliklərdən qaçan və asanlıqla təslim olan bu insanlar özlərini qabağa çəkmək əvəzinə olduqları yerdə qalırlar, hər kəsin də burada qalmasını istədikləri üçün uğur qazanan insanları tənqid edir, pis sözlər söyləyirlər.   “Sadəcə bunu yadda saxla: “Arzularını gerçəkləşdirmək mümkün deyil” deyənlər, artıq arzularından vaz keçən insanlardır”. Qrant Kardon   Hər kəsin həyatda fərqli istedadları və maraqları var. Qərarlar və alınan işlərlə öz sahənizdə çox uğurlu ola bilərsiniz. Diqqət yetirilməli olan məqam uğurlu insanlara baxmaq və özünü aşağılamaq əvəzinə “mən də bacararam” düşüncəsini mənimsəməkdir. Bu nümunəvi insanlar sizin yolunuzda işıq ola bilər. Xərçəng səbətində aşağı çəkilən xərçənglərdən biri olmaq və ya aşağı çəkən xərçəng olmaq fərdin öz işidir. Hər ikisi də olmamaq üçün heç kimə mane olmamalı və istəyinin arxasınca gedilməlidir. Uğurun bir səyahət olduğunu unutmaq olmaz.   Uğursuzluğa dəyər məqsədləriniz varmı? Uğur əzmkarlıq, əzmkarlıq iradə tələb edir. Bəzi hədəflər uğursuz olmağa da dəyər. Əsl uğur uğursuzluq qorxusuna qalib gəlməkdir. Paul Sweeney     Mənbə: Merve Alparslan   Hazırladı: Edumap.az Təhsil Portalı