Xaricdə təhsil almaq istəyənlər üçün Erasmus+ haqqında onlayn seminar keçiriləcək Avropa Komissiyası xaricdə təhsil imkanları ilə maraqlanan şəxsləri Erasmus+ proqramı və onun ali təhsilə dəstəyi haqqında keçiriləcək seminara qoşulmağa dəvət edir. Seminar 23, 24 və 25 noyabr tarixlərində onlayn formatda keçiriləcək. Erasmus+ Avropa İttifaqının təhsil, təlim, gənclər və idman üzrə layihə və mübadilələrə dəstək verən proqramıdır. Onun xüsusilə ali təhsil sahəsində olduqca geniş beynəlxalq əhatə dairəsi var. Məlumat sessiyalarında Erasmus+ proqramının dünyanın istənilən yerində yaşayan və ali təhsil almaqda maraqlı olan şəxslər üçün əlçatan olan mübadilə və əməkdaşlıq üzrə imkanları haqqında ətraflı məlumat veriləcək. İştirakçılar sual vermək və digər iştirakçılar ilə əlaqə qurmaq imkanına malik olacaqlar. Tədbir bütün dünyanı əhatə etdiyi üçün saat 9:00 – 13:00 və saat 14:00 – 18:00 arası olmaqla gündə iki dəfə keçiriləcək. Daha çox öyrən Elan Qeydiyyat