“XATİRƏLƏRDƏ QALAN OYUNCAQLAR” adlı uşaq yaradıcılıq müsabiqəsi elan edilir

“XATİRƏLƏRDƏ QALAN OYUNCAQLAR” adlı uşaq yaradıcılıq müsabiqəsi elan edilir. Azərbaycan Respublikasının Mədəniyyət Nazirliyi, Azərbaycan Respublikasının Təhsil Nazirliyi, Azərbaycan Televiziya və Radio Verilişləri Qapalı Səhmdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Azərbaycan Dövlət Rəsm Qalereyası, Bakı Dövlət Sirki və Xətai Sənət Mərkəzinin təşkilatçılığı ilə “Şuşa İli” çərçivəsində “XATİRƏLƏRDƏ QALAN OYUNCAQLAR” adlı uşaq yaradıcılıq müsabiqəsi elan edilir. Müsabiqə uşaqlıq duyğularımızı, xatirələrimizi yaşatmaq məqsədilə həyata keçiriləcək. Oyuncaqlar sadəcə əyləncə obyekti deyil, həmçinin uşaqlar ətrafındakı dünyanı öyrənməyə başlayan zamandan onun yoldaşı, köməkçisi və müəllimi olur. Müsabiqəyə qatılmaq üçün uşaq vaxtı ən çox sevdiyiniz və arzuladığınız oyuncağın rəsmini çəkməklə və ya istədiyiniz materialdan (metal, gil, ağac, kağız, plastilin, parça) maketini hazırlamaqla iştirak etmək olar. Qeyd: əgər uşaq vaxtı hazırladığınız oyuncağı saxlamısınızsa onun özünü müsabiqəyə təqdim edə bilərsiniz. Müsabiqədə iştirak üçün yaş məhdudiyyəti yoxdur. Müsabiqəyə Bakı Xətai Sənət Mərkəzi facebook qrupuna daxil olub, (https://www.facebook.com/groups/144172178999749/?ref=share) təqdim edəcəyiniz əsərin fotosu ilə bərabər müəllifin adı, soyad, təvəllüd, təhsil aldığı məktəb və əlaqə nömrəsini yerləşdirməklə 2022-ci il fevral ayının 10-dək qoşulmaq mümkündür. Müsabiqəyə yalnız bir əsər təqdim oluna bilər. ✓ Seçim zamanı müəllifin yaşı nəzərə alınmaqla düzgün kompozisiya əsas götürüləcək. ✓ Seçim zamanı kənar (müəllim, valideyn) müdaxiləsiz işlərə üstünlük veriləcək. ✓ Müsabiqədə xarici ölkə vətəndaşları da iştirak edə bilər. ✓ I turdan keçmiş müəlliflərin əsərləri sərgidə nümayiş olunmaq üçün Xətai Sənət Mərkəzinə dəvət olunacaqdır. ✓ Müsabiqə seçimlərindən narazı olan (müəllim, valideyn və şagird) seçimlərin elan olunduğu vaxtdan 3 iş günü ərzində [email protected] e-mail ünvanına müraciət edə bilər və təyin olunmuş bir vaxtda münsif üzvünün nəzarəti ilə canlı rəsm çəkməklə özünü təsdiq edə bilər. ✓ Əlavə suallar üçün 0513107401 whatsapp nömrəsinə müraciət etmək olar. Əsəri sərgidə nümayiş olunan müəlliflər sertifikatla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaq. Mükafatlandırma fondu: Sərgidən seçilmiş əsərin müəlliflərinin Bakı Dövlət Sirkində sərgisi və sirk tamaşasına baxış üçün 1 bilet təqdim ediləcək. Sərgi Xətai Sənət Mərkəzində keçiriləcək. SərgininNazirlər Kabineti yanında Operativ QərargahınCOVID-19 pandemiyasıilə əlaqədar qəbul etdiyikarantin qaydalarına uyğun keçirilməsi planlaşdırılır. Mətbuat dəstəkçiləri: Azərbaycan Televiziya və Radio Verilişləri Qapalı Səhmdar Cəmiyyəti, Azərtac, Mədəniyyət qəzeti, Azpress.az, Milli.az, Trend news agency, Day.az, Edumap, Eduonline.az, Frame.az, xsm.az və Tanışolaq jurnalı __________________________________________________________________________________________________________
BİZİ SOSİAL ŞƏBƏKƏLƏRDƏ İZLƏYİN:
FACEBOOK: Edumap.az
İNSTAGRAM: @edumap.az

BİZİ SOSİAL ŞƏBƏKƏLƏRDƏ İZLƏYİN:

FACEBOOK: Edumap.az

Gənclərin Xəritəsi

TELEGRAM:Edumap.az – Vakansiyalar, Təcrübələr, Təqaüdlər Seminarlar, Təlimlər Müsabiqələr və s.

İNSTAGRAM:@edumap.az

Tik-tok:edumap.az