Şənbə, 31 May, 2025

“Youth ArtCamp Shusha and Baku” adlı beynəlxalq layihə üzrə müraciətlərin qəbulu başlayıb


  • Dərc edildi: 17 İyun, 2022 - 11:22
“Youth ArtCamp Shusha and Baku” adlı beynəlxalq layihə üzrə müraciətlərin qəbulu başlayıb

Azərbaycan Respublikasının Mədəniyyət Nazirliyi UNESKO üzrə Azərbaycan Respublikasının Milli Komissiyası və UNESKO üzrə Andorra Milli Komissiyası ilə birlikdə “Youth ArtCamp Shusha and Baku” adlı beynəlxalq layihədə iştirak etmək istəyənlər üçün müraciət qəbulu elan edib. “Youth ArtCamp Shusha and Baku” layihəsi xarici rəssamların Azərbaycanın tarixi məkanlarından və təbiətindən ilhamlanaraq öz əsərlərini yaratması üçün təşkil edilib. Layihənin əsas məqsədi xarici rəssamların yaratdığı sənət əsərlərinin nümayiş olunması ilə yanaşı, UNESKO-nun fundamental dəyərlərini, o cümlədən davamlı sülhü və mədəni özünüifadə müxtəlifliyinin qorunması və təşviqini təbliğ etməkdir. “Youth ArtCamp Shusha and Baku” layihəsi 26 avqust - 5 sentyabr 2022-ci il tarixlərində Şuşa və Bakı şəhərlərində keçiriləcəkdir. Layihədə 18-35 yaş arası rəssamlar iştirak edə bilərlər. Layihəyə müraciət etməkdə maraqlı olan gənc rəssamlar öz ölkələrinin UNESKO üzrə Milli Komissiyaları tərəfindən namizəd göstərilməlidir. Müraciətlərə baxıldıqdan sonra 20 gənc rəssam layihədə iştirak etmək üçün münsiflər heyəti tərəfindən seçiləcəkdir. İştirak ilə bağlı bütün xərclər, o cümlədən aviabilet və mehmanxana xərcləri Azərbaycan Respublikasının Mədəniyyət Nazirliyi tərəfindən qarşılanacaqdır. Namizədlər müraciət prosesini onlayn qaydada tamamlamalıdır. Layihə haqqında ətraflı məlumat, o cümlədən konseptual sənəd, proqram və ərizə forması ilə müvafiq link vasitəsilə tanış olmaq mümkündür:https://forms.gle/jPQYSRD56ptPfH448 Layihədə iştirak etmək üçün müraciətlər iyunun 30-dək qəbul olunacaq.

_____________________________________________________________________________________________________________________
BİZİ SOSİAL ŞƏBƏKƏLƏRDƏ İZLƏYİN:
FACEBOOK:Edumap.az
İNSTAGRAM:@edumap.az
 

Rəy bildirin

Email ünvanınız göstərilməyəcək. Mütləq xanalar *

Hələ heç bir rəy yazılmayıb

Təhsil Xəbərləri

Lisey və gimnaziyalara qəbul qaydalarında dəyişikliklərlə bağlı açıqlama
29 May, 2025 - 10:43 120
Lisey və gimnaziyala...
Mərkəzi imtahanla qəbul həyata keçirilən lisey və gimnaziyalara hazırlaşan VI sinif şagirdlərinin nəzərinə!
27 May, 2025 - 01:01 174
Mərkəzi imtahanla qə...
XVIII Beynəlxalq Astronomiya və Astrofizika Olimpiadası – Azərbaycan Komandası
26 May, 2025 - 15:18 94
XVIII Beynəlxalq Ast...