“Ecopreneurship: Dayanıqlı Gələcək üçün Region Gənclərinin Bacarıqlarının Artırılması” layihəsinə qeydiyyat başladı

Sənin də ekoloji sahibkarlıq ideyan var, lakin haradan başlayacağını bilmirsən? Elə isə, bu layihəmiz sənin üçündür!

Belə ki, “Ecopreneurship: Dayanıqlı Gələcək üçün Region Gənclərinin Bacarıqlarının Artırılması” layihəmiz ilə sən də yerli ekoloji problemlərin həllinə yönəlmiş dayanıqlı sahibkarlıq təşəbbüsünü inkişaf etdirmək şansı əldə edə bilərsən.

Azərbaycan Respublikası Gənclər və İdman Nazirliyinin dəstəyi və “Bir Könüllü” Tələbə Təşkilatının təşkilatçılığı ilə həyata keçiriləcək layihənin məqsədi region gənclərinin sahibkarlıq bacarıqlarını inkişaf etdirmələrinə imkan yaratmaq və onları müasir dayanıqlı inkişaf və sahibkarlıq trendləri ilə tanış etməkdir.

Ümumilikdə 3 mərhələdən ibarət olacaq layihənin ilkin mərhələsində iştirakçılar təlim proqramına cəlb olunacaq, ikinci mərhələdə komandalara bölünmüş gənclər ehtiyaclarına uyğun ənənəvi və onlayn mentorluq sessiyalarına qoşulacaq, sonuncu mərhələ isə iştirakçıların ideyalarını təqdim edəcəkləri bağlanış mərasimi ilə yekunlaşacaqdır.

Layihə barədə ətraflı məlumat və qeydiyyat üçün linkə keçid edin:
 

Qeydiyyat üçün son tarix: 20.09.2024

Müraciət et