Keyfiyyətə nəzarət üzrə mütəxəssis vakansiyası

📢 Dövlət Radiotezliklər İdarəsi “Keyfiyyətə nəzarət üzrə mütəxəssis” vəzifəsinə vakansiya elan edir!
 
Vəzifə üçün tələblər:
 
• İdarənin struktur bölmələrindəki iş fəaliyyəti ilə bağlı yaranan uyğunsuzluqların və problemlərin aşkar edilməsi, aradan qaldırılması istiqamətində təkliflər vermək və tədbirlər planı hazırlamaq;
• Daxili normativ sənədləri İSO 9001:2015 Keyfiyyətin İdarəetmə Sisteminə (KİS) müvafiq olaraq hazırlamaq;
• İSO 9001:2015 KİS üzrə funksional prosedur, təlimat, siyasət, məqsəd və tədbirlər planının işlənib hazırlanmasını təşkil etmək, onları işə salmaq;
• İSO 9001:2015 KİS prosesləri, prosedurları, təlimatları və qaydalarını idarənin əməkdaşlarına çatdırmaq və praktik məsələlərdə iştirak etmək;
• Göstərilən iş və xidmət keyfiyyətinin yüksək səviyyədə həyata keçirilməsi üçün riskləri müəyyən etmək və tənzimləyici tədbirlər barədə təkliflər hazırlamaq;
• Daxili əmək və icra intizamına, daxili qaydalara və prosedurlara riayət olunmasına, eləcə də struktur bölmələr tərəfindən icra edilən iş fəaliyyətinin keyfiyyətinə nəzarət etmək;
• Öz səlahiyyətləri daxilində daxili nəzarət tədbirləri zamanı aşkar edilmiş nöqsan və çatışmazlıqların başvermə səbəblərini müəyyənləşdirmək və aradan qaldırılması üçün təkliflər vermək;
• Tabe olduğu struktur bölmənin fəaliyyət istiqamətlərinə uyğun olaraq tədbirlər planının hazırlanmasında iştirak etmək və səmərəli yerinə yetirilməsinə nəzarət etmək;
• Biznes proseslərinə nəzarət mexanizminin təkmilləşdirilməsi üzrə təkliflər v

ermək;
• Struktur bölmələrinin fəaliyyətinin təkmilləşdirilməsi və səmərəliliyinin artırılmasına dair təkliflər vermək;
• Keyfiyyət idarəetmə sisteminin beynəlxalq standartlara uyğun şəkildə qiymətləndirilməsi üçün illik plana əsasən audit proqramlarının hazırlanmasında, plana uyğun olaraq daxili qiymətləndirmə üzrə tədbirlərin həyata keçirilməsində iştirak etmək;
• Keyfiyyət idarəetmə sisteminin Rəhbərlik tərəfindən analizi üçün zəruri olan məlumatların hazırlanmasında və sistemləşdirilməsi işində iştirak etmək;
• Daxili sənədlərin dövri olaraq adekvatlığını yoxlamaq, aktuallığını qismən və ya tamamilə itirmiş sənədlərə müvafiq dəyişikliklərin edilməsi ilə bağlı rəhbərliyə təkliflər vermək, qüvvədə olmayan sənədlərin istifadə olunmasına nəzarət etmək;
• Aidiyyəti üzrə təftiş və nəzarət tədbirləri həyata keçirmək;
 
 Namizəd üçü tələblər:
 
• Ali təhsil (Menecment və ya Standartlaşdırma və sertifikasiya sahəsi üzrə);
• Müvafiq sahə üzrə azı 3 il iş təcrübəsi;
• Azərbaycan dili əla, rus və ingilis dillərini orta səviyyədə bilməli;
• Microsoft Office proqramlarını əla səviyyədə bilməli;
• KİS üzrə və daxili korporativ təlimlər keçirmək bacarığına malik olması;
• Komandada işləmək bacarığına sahib olmalı;
• Yüksək ünsiyyət və analitik düşünmə bacarığı.
 
Qeyd olunan  tələblərə cavab verən namizədlərdən mövzu hissəsində "Keyfiyyətə nəzarət üzrə mütəxəssis" yazmaqla CV-ni [email protected] ünvanına göndərmələrini xahiş edirik.