“Teens in AI IWD Azerbaijan'24” hakatonu keçiriləcək

“Teens in AI IWD Azerbaijan'24” hakatonu Azərbaycanda ilk dəfə “INNOLAND” İnkubasiya və Akselerasiya Mərkəzində keçiriləcək. 

Beynəlxalq Qadınlar Günü münasibətilə "Teens in AI" dünyanın hər yerindən 12-18 yaş arası gəncləri sosial fayda üçün süni intellekt və data elmindən istifadə etməyə dəvət edir! 

"Teens in AI" tərəfindən 2015-ci ildən hər il keçirilən hakaton indiyə qədər 43 ölkədə 140-dan çox şəhərdə 12.000-dən çox gəncin iştirakı ilə keçirilərək texnologiyada bərabərlik uğrunda mübarizə aparır və müsbət dəyişikliklər yaratmaq üçün yeni nəslə motivasiya verir.

Bu hakatonda gənclər BMT-nin Davamlı İnkişaf Məqsədlərinə uyğun olaraq real dünya problemlərini birgə həll etməyə çalışacaqlar. 

Yerli mərhələ qalibi olan layihə qlobal miqyasda "Teens in AI 2024 Global winners" adı uğrunda mübarizədə Azərbaycanı təmsil edəcək və "Global Awards" mükafatı əldə etmə şansı qazanacaq. 

Hakatona qoşulmaqla siz süni intellekt, dizayn və yumşaq bacarıqlarla bağlı məlumatlar əldə edərək real həyatda tətbiq edə bilərsiniz. 

12-18 yaş arası hər bir gənc həm komanda, həm də fərdi olaraq müraciət edə bilər.

 "INNOLAND İnkubasiya və Akselerasiya Mərkəzi (Zaur Nudirəliyev küçəsi, 79)
 16-17 mart

Qeydiyyat: https://lnkd.in/e-ZyWh9f
 Son qeydiyyat tarixi: 10 mart, saat 23:59