“Müəllim inkişafına dəstək - MOOC platforması” layihəsinin açılış mərasimi keçirilib

12 oktyabr 2022-ci il tarixində Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 6-cı qrant müsabiqəsi çərçivəsində qalib olan “Müəllim inkişafına dəstək - MOOC platforması” layihəsinin açılış mərasimi keçirilib.
Açılış Göygöl rayonunun Gənclər evində baş tutmuşdur.

Açılışda Gəncə-Daşkəsən Regional Təhsil İdarəsinin Göygöl rayonu üzrə Təhsil sektorunun metodiki kabinetinin müdiri Afət Ələkbərova, metodistlərdən Cəmilə Vəliyeva, Azərbaycan Gənc Müəllimlər Assosiasiyasının sədri Rüfət Əsədzadə, məktəb direktorları və təhsil ictimaiyyətinin nümayəndələri iştirak etmişdir.
Qeyd edək ki, layihənin məqsədi müəllimlərin 21-ci əsr bacarıqlarının təkmilləşdirilməsi üçün mooc.org platformasında yerləşdirilən 4 kursun azərbaycan dilinə tərcümə edilərək müəllimlərin şəxsi və elmi inkişaf dinamikasını artırmaqdır.

Layihə çərçivəsində hazırlıq işləri aparılıb və idarəetmə komandası formalaşdırılıb. Daha sonra layihənin icrası ilə bağlı müvafiq əməkdaşlıqlar qurulub.

Bu görüşlərin məqsədi layihə və onun mərhələləri haqqında məlumatlandırmadır.
Layihə sentyabrın 15-dən martın 15-dək davam edəcək.

Onu da qeyd edək ki, layihə çərçivəsində gənc müəllimlərin cəlb olunması, təlim məzmununun hazırlanması və təlimlər zamanı təimçilərin cəlb olunması Azərbaycan Gənc Müəllimlər Assosiasiyası ilə əməkdaşlıq ediləcəkdir.


BİZİ SOSİAL ŞƏBƏKƏLƏRDƏ İZLƏYİN:

FACEBOOK: Edumap.az

Gənclərin Xəritəsi

TELEGRAM:Edumap.az – Vakansiyalar, Təcrübələr, Təqaüdlər Seminarlar, Təlimlər Müsabiqələr və s.

İNSTAGRAM:@edumap.az

Tik-tok:edumap.az