“Biznesdə Qadınların Gücü” adlı layihə keçiriləcək

Qadınlar biznesdə öz güclərini göstərir! 

“Rabitəbank” ASC və Kiçik və Orta Biznesin İnkişafı Agentliyi (KOBİA)-nın birgə təşkilatçılığı, Azərbaycan Respublikası Sahibkarlar (İşəgötürənlər) Təşkilatları Milli Konfederasiyası (ASK) və Azərbaycanda Qadın Sahibkarlığının İnkişafı Assosiasiyasının (AQSİA) tərəfdaşlığı ilə “Biznesdə Qadınların Gücü” adlı layihə elan edilir.

Məqsəd qadın sahibkarların ölkə iqtisadiyyatındakı rolunun artırılmasına dəstək göstərilməsi, onların işgüzar fəallığının artırılması, maarifləndirmə və güzəştli maliyyə resurslarına çıxış imkanlarının genişləndirilməsi istiqamətində əlaqələrin qurulmasına şərait yaradılmasıdır.

Layihənin sonunda qaliblərin mükafatlandırılması nəzərdə tutulur.

Layihədə iştirak etmək istəyən qadın sahibkarlar aşağıdakı linkə daxil olaraq,  müraciət edə bilərlər: https://bit.ly/3V3J9Nw