Təsvir

Azərbaycan Hava Yolları QSC-nin Hava Gəmisində mövcud olan uçuş heyətini və müvafiq heyət standartlarını nəzərə alaraq vəzifə üzrə namizədlər dəyərləndiriləcək ( “xanım” namizədlərə üstünlük veriləcək).

Vəzifə Öhdəlikləri:

• Hava Gəmisinin göyərtəsində sərnişinləri qarşılamaq;    
• Sərnişinləri minik talonlarına müvafiq olaraq düzgün yerləşdirmək, həmçinin baqajın, yükün və poçtun yüklənməsinə nəzarət etmək;
• Uçuş zamanı sərnişinlərə standartlara uyğun yüksək səviyyəli xidmət göstərmək;
• Hava Gəmisində sərnişinlərin təhlükəsizliyini, operativ ilkin tibbi yardım göstərilməsini təmin etmək;
• Hava Gəmisində sərnişinləri ümumi davranış qaydalarına riayət etmələrinə nəzarət etmək;
• Hava Gəmisinin məişət və mətbəx avadanlığının uçuşa hazırlığına nəzarət etmək

Tələblər

• Vətəndaşlıq: AR vətəndaşı olmaq
• Yaş: 20-35 yaşınadək (uyğun təcrübə olmadığı halda)
• Yaş: maksimum 45 (uyğun təcrübə olduğu halda)
• Boy: 160-180 (xanım namizədlər üçün)
• Təhsil: minimum tam orta təhsil
• Dil bilikləri: Azərbaycan – səlis, İngilis – orta səviyyə (fikirləri sərbəst ifadə etmək qabiliyyəti)
• İngilis dili biliyi təsdiq edən beynəlxalq sertifikat mövcudluğu (IELTS, TOEFL və s.) üstünlük sayılır
• Digər beynəlxalq dil bilikləri (Rus, Alman, Fransız və s.) üstünlük sayılır
• Müştəri yönümlü xidmət mədəniyyəti
• Ünsiyyət bacarıqları
• Komandada çalışmaq bacarığı

Əlavə Qeydlər:

• Təyyarə Bələdçisi vəzifəsi xüsusi xidməti geyimdən istifadə etmə tələb edən vəzifədir. Fəaliyyət göstərən Təyyarə Bələdçiləri təşkilatın təsdiq etdiyi geyim formasından istifadə qaydalarına uyğun davranmalıdır;
• Təyyarə Bələdçisi vəzifəsi müxtəlif insanlar ilə ünsiyyəti tələb edən vəzifədir. Fəaliyyət göstərən Təyyarə Bələdçilərinin vücudunun görünən yerlərində xüsusi nişan, döymə, piercing və s. bənzər nişanların olması qəbul edilməzdir.

Seçim Mərhələləri:

1. CV-lərin tələblərə uyğunluğunun yoxlanılması (CV-də qeyd olunan məlumatlara əsasən)
2. Telefon müsahibəsi (CV-də qeyd olunan məlumatların dəqiqləşdirilməsi, dil biliklərinin dəyərləndirilməsi)
3. Ümumi müsahibə (İnsan Resursları, Funksiya rəhbərliyi və Peşəkar Psixoloqun iştirakı ilə)
4. Namizədlərin fiziki göstəricilərinin tələblərə uyğunluğunun yoxlanması (Boy/Çəki/Görünüş və s.)
5. Dil bilikləri dəyərləndirilməsi
6. Tibbi Müayinə (yerli və beynəlxalq Aviasiya tələblərinə uyğun olaraq müvafiq prosedurların həyata keçirilməsi)

7. İşə Qəbul və Təlimlər
   

   Son tarix : Aprel 29, 2024
   

Müraciət et