Gənc İqtisadçılar üçün tədqiqat proqramı

Müraciətlər üçün çağırış:
School of Economics - İqtisadi Tədqiqat Proqramı

Proqram müddəti və yeri:
1 Oktyabr – 1 Fevral 2022, Bakı, Azərbaycan

“School of Economics” layihəsinin əsas məqsədi gənclərin iqtisadiyyat sahəsində biliklərini inkişaf etdirmək və onlarda real iqtisadi hadisələri təhlil etmə qabiliyyəti formalaşmaqdır. Bu layihə Azərbaycanda inklüziv sosial-iqtisadi inkişafa töhfə vermək məqsədilə yerli iqtisadi və sosial mövzularda tədqiqatları və ictimai müzakirləri təşviq edəcək. “School of Economics” gəncləri müstəqil sosial-iqtisadi araşdırmalar aparmaq, təklif sənədləri hazırlamaq və bir şəbəkə kimi formalaşaraq akademik bacarıqları sosial mühitdə inkişaf etdirmək üçün platforma və resurslar ilə təmin edəcək.

Ödənişsiz tədqiqat proqramı iki əsas mərhələdən ibarətdir:

Birinci mərhələdə seçilmiş iştirakçılar akademik yazı, tədqiqat metodları və siyasət sənədinin hazırlanması ilə bağlı tanınmış mütəxəssislərin intensiv təlim kurslarında iştirak edərək iqtisadi araşdırma bacarıqlarını inkişaf etdirəcəklər. Təlimlər Oktyabr ayı ərzində Bakı şəhərində keçiriləcəkdir.

İkinci mərhələdə işti

rakçılar tədqiqat mövzuları üzrə işçi qruplarına bölünəcəklər və seçdikləri mövzular üzrə mentorlar ilə birgə araşdırma aparacaqlar. İştirakçıların tədqiqat yazıları EOS Academy-nin veb saytında dərc ediləcək. Həmçinin, tədqiqatlarını uğurla başa vurmuş iştirakçılar qonorar əldə edəcək və layihənin növbəti mərhələrində iqtisadi foruma və ictimai tədbirlərə dəvət ediləcəklər.

Kimlər iştirak edə bilər?
- İqtisadiyyat və bənzər sahələr üzrə bakalavr təhsilinin ən azı 3 pilləsini başa vurmuş tələbələr və ya məzunlar;
Digər tələblər:
- 18-29 yaş aralağında olmaq;
- Makroiqtisadiyyat, Beynəlxalq İqtisadiyyat, İqtisadi Siyasət; Davranış İqtisadiyyatı və ya digər əlaqəli fənlər üzrə biliklər;
- Tədqiqat etmək üçün yetərli həvəs və vaxtın olması;
- Səlis Azərbaycan dili bilikləri (İngilis dili biliklərinin olması arzu olunandır);

Müraciət qaydası:
Proqramda iştirak üçün CV-nizi və motivasiya məktubunu (maksimum 500 söz) [email protected] email ünvanına göndərə və ya aşağıdakı formu doldura bilərsiniz:

https://lnkd.in/dJz6-4km