KOMMERSİYA VƏ QEYRİ-HÖKUMƏT TƏŞKİLATLARININ MƏTBUAT XİDMƏTLƏRİNİN RƏHBƏRLƏRİ ÜÇÜN MASTER-KLASS KEÇİRİLƏCƏK 

MTM (Media Təhlil Mərkəzi) və Azərbaycan Respublikasının Medianın İnkişafı Agentliyinin (MEDİA) birgə təşkilatçılığı ilə 2023-cü ilin I rübündə (yanvar-fevral) mətbuat xidmətlərinin rəhbərlərinin peşəkar bacarıqlarının daim təkmilləşdirilməsi və inkişafı, bu sahədə effektivliyin artırılması məqsədilə növbəti master-klassın keçirilməsi nəzərdə tutulur. 

Kommersiya, qeyri-hökumət və digər təşkilatların mətbuat xidmətlərinin rəhbərləri üçün təşkil olunacaq master-klassı London şəhər Universitetinin jurnalistika üzrə professoru Barni Cons aparacaq. Britaniyanın “The Media Society” təşkilatının vitse-prezidenti olan Barni Cons İcmalar Palatasında media məsləhətçisi kimi çalışır. O, “The Andrew Marr Show”,  “Breakfast with Frost” siyasi xarakterli televiziya proqramlarının yaradıcısı və aparıcısı olub, PR və müstəqil radio müxbiri kimi çalışıb, sonradan BBC-də bəzi layihələr üzərində işləyib, bir çox siyasi xadimlərdən müsahibələr götürüb. 

Xüsusi formatda təşkil edilən master-klass ölkədə həyata keçirilən media islahatlarına töhfə vermək, medianın hazırki dinamik mühitdə inkişafını təşviq etmək, jurnalistlərin bilik və bacarıqlarını daha da təkmilləşdirmək məqsədi daşıyır. 

Qeydiyyat üçün email: [email protected]