baku.tv Rəqəmsal Media Məktəbinə qəbul başladı! 

Gələcək karyerasını jurnalistika sahəsində qurmaq istəyən və media sahəsini dərindən öyrənərək peşəkar biliklərə yiyələnmək istəyən ali təhsilli və 3-4-cü kurs tələbələrini Baku TV-nin elan etdiyi “Rəqəmsal Media Məktəbi” sosial layihəsinə qoşulmağa dəvət edirik. 3 ay davam edəcək nəzəri və praktiki təlimlər tamamilə ödənişsizdir və təlimin sonunda sertifikat veriləcək. Bundan əlavə, təlimləri yüksək nəticə ilə bitirmiş gənclər Baku TV-də işlə təmin olunma şansını əldə edə bilərlər.

Təlimlər əsasən 3 istiqamətdə aparılacaq:

1. Jurnalistika peşə təlimləri - Reportyorluq, redaktorluq, aparıcılıq kimi sahələrə aid nəzəri və praktiki dərslər veriləcək.

2. Sosial media marketinq təlimləri - İştirakçılara müxtəlif internet platformalarında sərbəst çalışmaq üçün gərəkli təlimlər keçiriləcək.

3. Texniki təlimlər - İştirakçılara foto və video çəkiliş, eləcə də audio və video montajın sirrləri öyrədiləcək.

 Müraciət üçün CV-lərinizi [email protected] və ya [email protected] e-poçt ünvanlarına göndərə bilərsiniz.