Cümə axşamı, 21 Avqust, 2025

“İnformasiya Texnologiyaları üzrə Texniki Dəstək Operatoru (IT Helpdesk)” istiqaməti üzrə təlimlərə başlanılır


  • Dərc edildi: 13 Avqust, 2021 - 12:53
“İnformasiya Texnologiyaları üzrə Texniki Dəstək Operatoru (IT Helpdesk)” istiqaməti üzrə təlimlərə başlanılır

Peşə Təhsili üzrə Dövlət Agentliyinin təşəbbüsü ilə Sənaye və İnnovasiyalar üzrə Bakı Dövlət Peşə Təhsil Mərkəzi tərəfindən “İnformasiya Texnologiyaları üzrə Texniki Dəstək Operatoru (IT Helpdesk)” istiqaməti üzrə qısamüddətli təlimlərə müraciətlərin qəbuluna start verilib. Təlim Sənaye və İnnovasiyalar üzrə Bakı Dövlət Peşə Təhsil Mərkəzində keçiriləcək. Təlimə kompüterdən istifadənin əsasları üzrə bilikləri və əməliyyat sistemləri ilə tanışlığı olan (18 yaşdan yuxarı) orta ixtisas/peşə və ya ali təhsilli şəxslər müraciət edə bilərlər. Seçim mərhələlərini uğurla keçən şəxslər təlim ödənişindən azad ediləcəklər. Təlimi müvəffəqiyyətlə bitirən iştirakçılara sertifikatlar təqdim ediləcək. Təlim iştirakçıları 2 ay müddətində həftədə üç dəfə (hər gün 3 saat olmaqla) keçiriləcək təlim zamanı kompüterdə yaranan texniki, proqram təminatı, əməliyyat sistemləri, şəbəkə ilə bağlı nasazlıqları təyin edib aradan qaldırmağı, eyni zamanda Microsoft Office proqramlarından yüksək səviyyədə istifadə etməyi öyrənəcəklər. Müraciətlər 20 avqust, 2021-ci il tarixinədək bukeçidüzərindən qəbul edilməkdədir. Peşə Təhsili üzrə Dövlət Agentliyinin təşəbbüsü ilə həyata keçirilən digər qısamüddətli təlimlər barədə məlumatı Agentliyin sosial media səhifələrindən əldə edə bilərsiniz.

Təhsil Xəbərləri

“Bir Müəllimin Manifesti” proqramına qeydiyyat başladı!
21 Avqust, 2025 - 00:21 215
“Bir Müəllimin Manif...
Sumqayıt Dövlət Universiteti 131 fənn üzrə pedaqoji kadrların işə qəbulunu elan edir
01 Avqust, 2025 - 15:30 7134
Sumqayıt Dövlət Univ...
Azərbaycan Texnologiya Universiteti (Gəncə) 2025/2026-cı tədris ili üçün aşağıda qeyd olunan fənlərin tədrisi üzrə müəllim vakansiyaları elan edir
01 Avqust, 2025 - 05:30 1855
Azərbaycan Texnologi...