İşsiz və işaxtaran şəxslərin nəzərinə!

Dövlət Məşğulluq Agentliyinin dəstəyi ilə Quba-Xaçmaz Regional Məşğulluq Filialında “Açıq qapı” günü keçiriləcək.

"GRAND-MART” MMC-nin tərkibində fəaliyyət göstərən MEGASTORE marketdə aşağıdakı vakansiyalar üzrə işə qəbul olunmaq istəyən şəxslər qeyd olunan tarixdə Quba-Xaçmaz Regional Məşğulluq filialına yaxınlaşa bilərlər.

Əmək yarmarkasına gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.

Əgər CV-niz yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlana bilərsiniz. Bu platformada qeydiyyatdan keçməklə lazımi xanalara məlumatlarınızı əlavə edib, qısa müddətdə öz CV-nizi PDF formatında əldə etmək mümkündür.

Vakansiyalar, iş öhdəlikləri və şərtlər haqqında daha ətraflı məlumat “Açıq qapı”da iştirak edən şəxslərə təqdim olunacaqdır.

Quba-Xaçmaz RMF-nin binası; Quba şəhəri Qələbə küçəsi 17

6 iyun, 2022

11:00 - 16:00